الماتىلىق مەكتەپ وقۋشىلارىن وقۋلىقپەن قامتۋعا 2 ميلليارد تەڭگەگە جۋىق قارجى ءبولىندى

الماتى. قازاقپارات - الماتىدا مەكتەپ وقۋشىلارىن وقۋلىقپەن قامتۋعا 1 ميلليارد 999 ميلليون تەڭگە ءبولىندى.
None
None

بۇل تۋرالى قالالىق ءبىلىم بەرۋ باسقارماسىنىڭ باسشىسى راحات شيماشيەۆا ايتتى.

«جەرگىلىكتى بيۋدجەتتەن وقۋلىقپەن قامتۋعا 1 ميلليارد 999 ميلليون تەڭگە قاراستىرىلدى. وتكەن جىلعىمەن سالىستىرعاندا 500 ميلليون تەڭگەگە ارتىق. 20 باسپامەن كەلىسىم شارت جاسالدى. قازىر وقۋلىقتار مەكتەپتەرگە جەتكىزىلىپ، وقۋشىلارعا تاراتىلىپ جاتىر»، - دەدى باسقارما باسشىسى.

ونىڭ ايتۋىنشا، وقۋلىقتارعا ءوتىنىم جينالعان كەزدە مىندەتتى تۇردە اتا- انالاردىڭ، ۇستازداردىڭ سۇرانىسى ەسكەرىلگەن.

«اتا- انالاردىڭ سۇرانىسى ەسكەرىلە وتىرىپ جاسالعاندىقتان وقۋلىقتار تاپشىلىعى بولمايدى دەپ ويلايمىن»، - دەدى ول.

باسقارما باسشىلىعى قوسىمشا وقۋلىقتار الۋعا ماجبۇرلەۋ بولعان جاعدايدا مەكتەپ ديرەكتورىنان تۇسىنىكتەمە الىناتىنىن جەتكىزدى.

مامانداردىڭ ايتۋىنشا، بيىل قالادا مەكتەپ فورماسى، قۇرال- جابدىقتارىنىڭ باعاسى وزگەرمەيدى.

باعانى تۇراقتاندىرۋ ماقساتىندا 8 اۋداندا 21 مەكتەپ جارمەڭكەسى وتكەن.

«باعانىڭ نەگىزسىز كوتەرىلۋىن قاداعالاۋ ماقساتىندا ارنايى شتاب قۇرىلىپ، كوپتەگەن ساۋدا ورىندارىن ارالاپ شىقتىق. ەش جەردە باعانىڭ كوتەرىلگەنىن بايقامادىق. وتاندىق كيىم تىگۋشىلەر «گلاسسمان»، «انگەلحەر»، «سىمبات» تىگىن فابريكالارى باعانى كوتەرمەيتىندىگىن جەتكىزدى. «ابدي» كومپانياسى 3 اي بويى مەكتەپ قۇرالدارى قىمباتتامايدى دەپ سەندىردى»، - دەدى باسقارما باسشىسى ر. شيماشيەۆا.

اۆتور: گۇلميرا عوسمانالي

سوڭعى جاڭالىقتار