اتىراۋدا جالعان ەمشى دۋادان تازارتۋ ءۇشىن 2 ميلليون تەڭگە سۇراعان

«اتىراۋ قالاسىنىڭ №2 سوتىندا سىرتتان كەلگەن الاياق ايەلگە قاتىستى قىلمىستىق ءىس قاراستىرىلدى. ءىستى قاراۋ بارىسىندا سوتتالۋشى ە. ۇبىعاليەۆا مەن ونىڭ قورعاۋشىسى اتىراۋ قالاسىنىڭ پروكۋرورىمەن پروسەسسۋالدىق كەلىسىمدى ورناتۋعا ءوز ەركىمەن نيەت بىلدىرگەنى انىقتالدى.
ءىس ماتەريالدارىنا سايكەس، 2015 - جىلدىڭ ماۋسىم ايىندا ە. ۇبىعاليەۆانىڭ جەرگىلىكتى ب ا ق- قا دۋا، كوز تيۋدەن تازارتۋ جانە رۋحاني ەمدەۋ بويىنشا قىزمەت كورسەتۋ تۋرالى حابارلاندىرۋ بەرگەن. جابىرلەنۋشىلەردىڭ ءبىرى ك. تولىبايەۆا حابارلاندىرۋدا كورسەتىلدگەن تەلەفون نومىرىنە حابارلاسىپ، ەمشىمەن كەزدەسۋگە كەلىسكەن»، - دەپ حابارلادى اتىراۋ وبلىستىق سوتىنىڭ باسپا ءسوز قىزمەتىنەن.
كەزدەسۋ كەزىندە ۇبىعاليەۆا تولىبايەۆاعا قاتتى دۋا سالىنعانىن ايتىپ، ونى شەشۋ ءۇشىن ايەلدەن 333000 تەڭگە سۇراعان. ءراسىم وتكىزگەن سوڭ، العان اقشاسىن «پاسيەنت ايەلگە» قايتارىپ، سول ارقىلى ونىمەن سەنىمدى قاتىناس ورناتتى. كەيىنىرەك تولىبايەۆا ودان ءىنىسىن ەمدەۋىن سۇراعان. «ەمشى» بۇل قىزمەتى ءۇشىن بىرنەشە ەسە كوپ اقشا - 2331000 تەڭگە سۇرادى. ناۋقاس ءىنىسىن دۋادان تازارتۋ ءۇشىن الاياق ونىڭ اپاسىن دا ۇيىقتاتىپ تاستاعان. سوڭعىسى ەسىن جيعان كەزدە، ەمشى دە، اقشا دا تابىلمادى.
سوت ە. ۇبىعاليەۆانى ق ر ق ك- ءنىڭ 190 - بابىنداعى 3 - ءبولىمىنىڭ 1 - تارماقشاسىمەن قاراستىرىلعان قىلمىستى جاساۋدا ايىپتى دەپ تانىپ، ونى شارتتى تۇردە ءۇش جىلعا باس بوستاندىعىنان ايىرۋ جازاسىنا كەستى.
ءىس كەيىپكەرلەرىنىڭ ەسىمدەرى وزگەرتىلگەن.