13:07, 23 - شىلدە 2015 | GMT +5
الماتىدا سەل تاسقىنىنان زارداپ شەككەندەرگە كومەك ماقساتىندا 2 ميلليارد تەڭگە ءبولىندى
الماتى. قازاقپارات - بۇگىن تاڭەرتەڭ قالالىق ءماسليحاتتا الماتى قالاسىنىڭ اكىمى احمەتجان ەسىموۆ قالادا توتەنشە جاعداي رەجىمى جاريالانعانىن ءمالىم ەتتى.
«بۇل سەل تاسقىنى سالدارىنان زارداپ شەككەن تۇرعىندارعا دەر كەزىندە كومەك كورسەتۋ ماقساتىندا جاسالىپ وتىر. توتەنشە جاعداي اياسىندا 2 ميلليارد تەڭگە ءبولىندى»، - دەپ حابارلايدى الماتى قالاسى اكىمىنىڭ باسپا ءسوز قىزمەتى.
«بۇگىن تاڭەرتەڭگى ساعات 06:20-دا وقيعا بولعان ايماقتى تىكۇشاقپەن ارالاۋ بارىسىندا 3500 مەتر بيىكتىكتە مۇزدىقتار مەن مورەنالىق كولدەر باستالاتىن تۇستا اۋا تەمپەراتۋراسى 11 گرادۋس بولدى. سول كولدەردىڭ ءبىرىنىڭ تابانى بۇزىلىپ، سۋى بوگەتكە قاراي اققان. قارعالى وزەنىندەگى بوگەت جارتىسىنا دەيىن سۋعا تولدى. قازىر ەشقانداي قاۋىپ جوق. وپەراتيۆتىك شتاب جۇمىس ىستەپ جاتىر. كەلتىرىلگەن شىعىننىڭ كولەمى ەسەپتەلۋدە. توتەنشە جاعداي جاريالانعان جاعدايدا زارداپ شەككەندەرگە قاجەتتى سوما بولىنەدى»، - دەدى ا. ەسىموۆ.
اۆتور: قانات مامەتقازى ۇلى
