شي جينپيڭ 2-دۇنيەجۇزىلىك سوعىستىڭ تاريحىن بۇرمالاۋعا قارسى شىقتى
«تاريحتى ۇمىتۋ بۇل ساتقىندىق. اعىمداعى جىلى ب ۇ ۇ- نىڭ قۇرىلعانىنا جانە دۇنيەجۇزىلىك فاشيزمگە قارسى سوعىستىڭ اياقتالعانىنا 70 جىل تولدى. ب ر ي ك س ەلدەرى(برازيليا، رەسەي، ينديا، وڭتۇستىك افريكا ەلدەرى) بارلىق بەيبىتشىلىك سۇيگىش ەلدەرمەن جانە حالىقتارمەن بىرلەسىپ، 2-دۇنيەجۇزىلىك سوعىسى تاريحىن جوققا شىعارۋعا، بۇرمالاۋعا، قايتا جازۋعا تاباندى تۇردە قارسى شىعۋى ءتيىس»، - دەدى شي جينپيڭ ۋفادا وتكەن بريكس مەملەكەتتەرى كوشباسشىلارىنىڭ كەڭەيتىلگەن وتىرىسىندا.
سونىمەن قاتار ول بريكس ەلدەرى بىرلەسە وتىرىپ، ەكىنشى دۇنيەجۇزىلىك سوعىس قورىتىندىسىنا قاتىستى حالىقارالىق ادىلدىكتىڭ ءارى تەڭ قۇقىلىقتىڭ ورىن الۋىنا تاباندى تۇردە كۇرەسۋگە شاقىردى.
«بىرلەسە تاريحتان ساباق الۋىمىز، قىرعي قاباق سوعىستى ەڭسەرۋىمىز، نولدىك ناتيجە ويىندارىنان باس تارتۋىمىز قاجەت. بىرلەسە، الەمدى قورعاپ، وڭىردەگى جانە بۇكىل الەمدەگى بەيبىتشىلىك پەن تۇراقتىلىقتى قورعاۋىمىز قاجەت. سەرىكتەستىك قارىم- قاتىناستى جولعا قويۋعا ءتيىسپىز»، - دەدى شي جينپيڭ.
اۆتور: مارلان جيەمباي
