يندۋستريالاندىرۋدىڭ 2- بەسجىلدىعىن جۇزەگە اسىرۋ بارىسىندا الەمدىك دامۋ ترەندتەرىن قاداعالاپ وتىرۋ قاجەت - ەلباسى
بۇل تۋرالى بۇگىن ەلىمىزدىڭ «نۇرلى جول» جانە يندۋستريالدى-يننوۆاتسيالىق مەملەكەتتىك باعدارلامالارىنىڭ ىسكە اسىرىلۋ بارىسىنا ارنالعان جالپى ۇلتتىق تەلەكوپىر بارىسىندا ەلباسى نۇرسۇلتان نازاربايەۆ ايتتى.
«تولىقتاي العاندا، الەمدىك ەكونوميكانىڭ تەحنولوگيالىق دامۋى مۇلدەم بولەك تاسىلمەن جەدەلدەتىلۋدە. مەن ءدال وسىعان باسا نازار اۋدارتقىم كەلەدى. ءبىز وسى يندۋستريالدى ساياساتتى جۇرگىزۋگە ءماجبۇرمىز. ونى بۇگىنگى زاماناۋي ەكونوميكاعا كوشۋىمىزدىڭ بازاسى، ىرگەتاسى رەتىندە ساناۋىمىز قاجەت»، - دەدى ن. نازاربايەۆ.
سونىمەن قاتار ەلباسى يندۋستريالاندىرۋدىڭ ەكىنشى بەسجىلدىعىن جۇزەگە اسىرۋ بارىسىنداعى جۇمىستار كەزىندە الەمدىك دامۋ ترەندتەردى ءجىتى قاداعالاپ وتىراتىن ارنايى ادامداردىڭ بولۋى قاجەتتىگىن باسا ايتتى.
«قازىر مۇلدەم باسقا ءادىس كەرەك. بارلىعى دا مينەرالدى رەسۋرستاردى پايدالانۋدى تارىلتا تۇسەدى ءارى مۇلدەم بولەك الەمدىك ەكونوميكا دامۋىنىڭ جاڭا تارتىبىنە كوشەدى. بىزدەرگە بەيجاي قالۋعا بولمايدى. ءبىزدىڭ قازىر جاساپ جاتقانىمىز قازاقستاندا وسىدان 30-40 جىل بۇرىن ىستەلۋى ءتيىس ەدى. ءبىز مۇنى بۇگىن جاساۋعا ءماجبۇرمىز. ونسىز العا سەكىرىس جاساۋ مۇمكىن ەمەس. اسەت ورەنتاي ۇلى، ۇكىمەتتە ارنايى قاراپ، مۇنى قاداعالاپ وتىراتىن ارنايى ادامدار توبىن جاساقتاۋ قاجەت»، - دەدى ن. نازاربايەۆ.
اۆتور: مارلان جيەمباي
