قايىڭدى اۋىلىنىڭ تۇرعىنى ۇزىندىعى 2 مەترگە جۋىق جايىن ۇستادى - فوتو

ورال. قازاقپارات - قازتالوۆ اۋدانى قايىڭدى اۋىلىنىڭ تۇرعىنى اسۇلان جايىنوۆ قاراوزەننەن ۇزىندىعى 2 مەترگە جۋىق، سالماعى 45 ك گ جايىندى ۇستادى.

قازتالوۆ اۋدانىنان قايرات جاقىپتىڭ حابارلاعانىنداي، ا. جايىنوۆتىڭ مۇنداي ۇلكەن ولجاعا العاش رەت كەنەلۋى ەكەن.

ءوزىنىڭ ايتۋىنشا، اندا- ساندا عانا بالىق اۋلايتىن اسۇلان سول كۇنى قارماعىنا باقا بايلاپ، وزەنگە سالىپ قويعان.

«قاسىمدا ەشكىم جوق، جالعىز ءوزىم بولاتىنمىن. قارماعىما بالىق تۇسكەن ەكەن، جاي 2-3 كەلى ولجا شىعار دەپ كوڭىل بولمەدىم. جايمەن قارماعىمدى تارتىپ قاراسام، اۋىرلاپ سالا بەردى. تارتايىن دەسەم ءالىم جەتپەي، ايقايلاپ كومەككە شاقىردىم، ەشكىم كەلە قويمادى. الىسىپ ءجۇرىپ شىعاردىم- اۋ ءبىر كەزدە. سول ۋاقىتتا عانا قاسىما كورشىلەرىم كەلدى. ءبارى تاڭعالىپ جاتىر. ۇيگە سۇيرەپ اكەلىپ ولشەپ قاراعاندا، ۇزىندىعى 2 مەتر، سالماعى 45 كەلى تارتتى»، - دەدى ا. جايىنوۆ.