اتاقتى دجەننيفەر لوپەس ادەپسىزدىگى ءۇشىن 2 جىلعا سوتتالىپ كەتۋى مۇمكىن
ماروككودا «قوعامدىق ءتارتىپتى بۇزعانى» ءۇشىن وعان قارسى ارىز تۇسكەن.
بۇل تۋرالى TMZ گولليۆۋدتىق باسىلىم حابارلايدى.
«دجەننيفەر لوپەس 29 -مامىر كۇنى راباتتاعى حالىقارالىق فەستيۆالگە قاتىسقان جانە ونىڭ شوۋى ۇلتتىق تەلەارنا ارقىلى كورسەتىلگەن. كونسەرت ادەتتەگىدەي وتكەن: اشىق كويلەكتەر، دەنەگە جابىسىپ تۇراتىن كوستيۋمدەر. قازىر انشىگە جانە ونىڭ انترەپرەنەرىنە قارسى سوتقا شاعىم ءتۇستى»، - دەپ حابارلايدى TMZ.
ارىزدا «45 جاستاعى لوپەس ءوزىنىڭ ساحناداعى مانەرىمەن قوعامدىق ءتارتىپتى بۇزدى، ايەل ابىرويىن تاپتاپ، كورەرمەندەردى سىيلامادى»، - دەلىنگەن ەكەن.
ماروككونىڭ قولدانىستاعى زاڭىنا سايكەس ونداي ارەكەتتەر ءۇشىن 2 جىلعا دەيىن تۇرمەگە قامالۋى ءتيىس. «الايدا لوپەس وتكەن جىلى ماروككوداعى شوۋعا قاتىسقان، ولار بۇعان دەيىن ەشقاشان ونى ۇلتتىق تەلەارنا ارقىلى بەرگەن ەمەس»، - دەپ اتاپ ءوتتى TMZ باسىلىمى.
ال ءانشى بولسا، قازىرگى ۋاقىتتا ماروككودان كەتىپ، لاس-ۆەگاستاعى كونسەرتتەرىنە دايىندىقتى باستاپ كەتتى.
