بىشكەكتە 2 مىڭ اسكەر قاتىسقان جەڭىس شەرۋى ءوتتى
قولباسشىلار مەن شەرۋ قوناقتارىنىڭ الدىندا سالتاناتتى مارشپەن موتواتقىشتار پولكى، زەنيتشىلەر، ەرەكشە مىندەت جۇكتەلگەن جاساق ساربازدارى جانە بولاشاق وفيسەرلەر رەسپۋبليكالىق اسكەري ۋچيليشە ۇلاندارى ادىمداپ الاڭدى جاڭعىرتتى.
اۋىر تەحنيكالاردىڭ تىزبەگىن ۇلى وتان سوعىسىنىڭ جەڭىمپاز رۋحى مەن اتى اڭىزعا اينالعان ت-34 تانكى باستادى. مي-8 كوپ ماقساتتى تىكۇشاقتارى مەن مي-24 اتقىش تىكۇشاقتارى «الا- توو» الاڭىنىڭ توبەسىنەن ۇشىپ ءوتىپ، شەرۋ سوڭىن قورىتىندىلادى.
الىمبەك اسانكوجويەۆ، قىرعىز رەسپۋبليكاسى باس شتابىنىڭ باسشىسى:
- 1,5 ميلليون حالقى بار قىرعىزستان سوعىسقا 365 مىڭ جاۋىنگەر اتتاندىردى. ولاردىڭ ءاربىر ءتورتىنشىسى مايداندا قازا تاپتى. 150 مىڭى جاۋىنگەرلىك وردەندەر تاعىپ، ەلىنە مەدالدارمەن ورالدى. 73 قىرعىز جاۋىنگەرى كەڭەس وداعىنىڭ باتىرى اتاندى. كوپ جەرلەستەرىمىزدىڭ اتتارى اڭىزعا اينالدى.
