دەنساۋلىق: جۇمىستا كوپ وتىراتىن ادامداردىڭ ماسەلەسىن 2 مينۋتتا شەشۋگە بولادى

استانا. قازاقپارات - كوپ قيمىلداماي، وتىرىپ ىستەيتىن جۇمىس دەنساۋلىققا زيان ەكەنى جاسىرىن ەمەس.

بۇل - ينفەكتسيا جۇقتىرۋ ىندەنتىنەن كەيىنگى ساتىدا تۇرعان ماسەلە. ا ق ش عالىمدارىنىڭ پىكىرىنشە، جۇمىستا ۇزاق ۋاقىت وتىراتىن ادامدار ساعات سايىن بار بولعانى 2 مينۋتقا ورنىنان تۇرىپ جۇرسە، دەنساۋلىققا كوپ پايداسى تيگەن بولار ەدى، دەپ جازادى The Sydney Morning Herald.

كۇنىنە 30 مينۋت ۋاقىتتى فيزيكالىق جاتتىعۋلارعا ءبولۋ قاجەت. ءار ساعاتتىڭ 2 مينۋتىن قوزعالىسقا ارناۋ دا دەنساۋلىققا وڭ اسەرىن تيگىزەدى. 3 جىلعا سوزىلعان زەرتتەۋدىڭ ناتيجەسىندە عالىمدار وسىنداي توقتامعا كەلدى. زەرتتەۋگە 3243 ەرىكتى قاتىستى.

وسى زەرتتەۋ جۇمىسىنان كەيىن يۋتا ۋنيۆەرسيتەتى مەن كولورادو ۋنيۆەرسيتەتىنىڭ مەديتسينالىق مەكتەپتەرى ماماندارى ءبىر ساعات ىشىندەگى 2 مينۋتتىق سەرۋەن ءولىم قاۋپىن %33 تومەندەتەتىنىن انىقتادى.

سونداي-اق، اپتاسىنا 2,5 ساعات سپورتپەن شۇعىلدانۋدىڭ پايداسى زور، دەيدى عالىمدار. ادامنىڭ 1 ساعات بويى ورىندىقتا وتىرۋى 22 مينۋت ءومىرىڭىزدى قىسقارتادى- مىس. ال، ءبىر ساعاتتىق جاتتىعۋ ءومىر ۇزاقتىعىن 90 مينۋتقا ارتتىرادى ەكەن.