سوۆەت وداعىنىڭ 2-دۇنيەجۇزىلىك سوعىستاعى جەڭىسىنە وراي ا ق ش-تا اۆتوشەرۋ جولعا شىقتى

استانا. قازاقپارات - فاشيستىك گەرمانيامەن سوعىستاعى جەڭىستىڭ جانە كەڭەستىك جانە امەريكاندىق اسكەرلەردىڭ ەلبادا كەزدەسۋىنىڭ 70 -جىلدىعىنا ارنالعان اۆتوشەرۋ ا ق ش-تىڭ فلوريدا شتاتىنان سەنبى كۇنى جولعا شىقتى، دەپ حابارلايدى ت ا س س.
None
None

 ۆاشينگتونعا جول تارتاتىن بۇل شەرۋدىڭ ماقساتى - ەكىنشى دۇنيەجۇزىلىك سوعىس كەزىندەگى ك س ر و-نىڭ فاشيستىك گەرمانيانى جەڭۋىنىڭ تاريحي ءرولىن كەڭىنەن ناسيحاتتاۋ.

اۆتوشەرۋ نەيپل قالاسىنداعى «بوستاندىق الاڭىنان» باستالدى. ونىڭ قۇرامىندا ازىرگە 12 ادام، 4 جەڭىل كولىك، اۆتوبۋس پەن جۇك كولىگى بار، شەرۋگە جولدا تاعى دا كوپتەگەن ادامدار مەن كولىكتەر قوسىلماق.  

اۆتوشەرۋدىڭ العاشقى كۇنى گولليۆۋد قالاسىنا توقتاپ، فوتوكورمە مەن شاعىن كونسەرت ۇيىمداستىرۋ جوسپارلانىپ وتىر. ودان سوڭ ولار ۆەست پالم-بيچ مەن كيسسيمي قالالارىندا ايالداپ، ورلاندوعا جول تارتادى.

7 كۇن ىشىندە اۆتوشەرۋ دجوردجيا، وڭتۇستىك جانە سولتۇستىك كارولينا، ۆيردجينيا (نەيپلس- مايامي- ورلاندو- سانكت- پەتەربور- تاللاحاسسي- اتلانتا- ۆاشينگتون باعىتىمەن) 3,2 مىڭ شاقىرىمدى باعىندىرماق.

ال 24 -ساۋىردە شەرۋشىلەر ا ق ش استاناسىنداعى ارلينگتون ۇلتتىق زيراتىندا «ەلبا رۋحى» (Spirit of the Elbe) ەستەلىك پليتاسىنا گۇل شوقتارىن قويۋ سالتاناتىنا قاتىسادى.

سوڭعى جاڭالىقتار