10:45, 09 - ءساۋىر 2015 | GMT +5
تايۋان حالقىنا اپتاسىنا 2 تاۋلىك سۋ بەرىلمەيتىن بولدى
استانا. قازاقپارات- تايۋانداعى سوڭعى ۋاقىتتاردا ەل اۋماعىن جايلاعان قۋاڭشىلىق ەل بيلىگىنىڭ سۋدى پايدالانۋدى شەكتەۋ تۋرالى شەشىم قابىلداۋىنا ءماجبۇر ەتتى. ءۇي شارۋاشىلىعىنا وتە قاجەتتىلىگىنە قاراماستان، ەندى تايۆان اۋماعىندا سۋ بەرۋ اپتانىڭ ەكى كۇنىندە توقتاتىلاتىن بولادى.
تايۋاندا قازىرگى جاۋىن- شاشىن دەڭگەيى 60 -جىل ىشىندەگى ەڭ تومەنگى كورسەتكىش بولىپ تابىلادى. وتكەن جىلدىڭ قازان ايىندا باستالعان قۇرعاقشىلىقتىڭ اسەرىنەن سۋ قويمالارىنداعى سۋ دەڭگەيىنىڭ ءوزى ورتادان تومەن دەڭگەيگە ءتۇسىپ كەتكەن.
