سەمەيدە تۇرعىن ءۇي سالۋ ءۇشىن وبلىس بيۋدجەتىنەن 2 ميلليارد تەڭگە بولىنەتىن بولدى
سەمەي. قازاقپارات - سەمەي قالاسىنىڭ تۇرعىن ءۇي قۇرىلىسى ءۇشىن شىعىس قازاقستان وبلىستىق بيۋدجەتىنەن قوسىمشا 2 ميلليارد تەڭگە بولىنەتىن بولدى. بۇل تۋرالى ش ق و اكىمى دانيال احمەتوۆ قالا اكتيۆىمەن وتكەن كەزدەسۋدە ايتتى،
دەپ حابارلادى سەمەي قالاسى اكىمدىگى ىشكى ساياسات بولىمىنەن.
«بۇل قارجىنىڭ بارلىعى «تۇرعىن ءۇي قۇرىلىس جيناق بانكى» ارقىلى سەمەي قالاسىنداعى قۇرىلىس قارقىنىن ۇدەتە تۇسۋگە باعىتتالاتىن بولادى. 1 ميلليارد تەڭگەگە قۇرىلىس نىساندارىن تىكەلەي قارجىلاندىرامىز. 500 ميلليون تەڭگەنى «ەرتىس» ا ك ك ارقىلى باعىتتاساق، قالعان قاراجات وزگە قارجىلاندىرۋ كوزدەرىنەن اۋدارىلادى»، - دەدى ايماق باسشىسى.
دانيال احمەتوۆ دىتتەگەن ماقساتقا تەزىرەك قول جەتكىزۋ ءۇشىن قالا اكىمىنە قۇرىلىس كومپانيالارىمەن كەلىسىمگە وتىرىپ، جەر تەلىمدەرى مەن قۇرىلىس ايماقتارىن تەزىرەك انىقتاۋدى تاپسىردى.
