جامبىل وبلىسىندا اپاتقا ۇشىراعان ا ن-2 ۇشاعىنا وتىن رەتىندە بەنزين قولدانىلۋى مۇمكىن

بۇل تۋرالى ازاماتتىق اۆياتسيا كوميتەتى ءتوراعاسىنىڭ ورىنباسارى سەرىك مۇقتىبايەۆ مالىمدەدى.

ۇشاق قوزعالتقىشىن قۇراستىرۋشىلاردىڭ كەڭەسىنەن سوڭ، اتالعان ۇشاقتارعا قاراپايىم بەنزين قۇيۋعا رۇقسات بار كورىنەدى. 
   
  سەرىك مۇقتىبايەۆ، ق ر ازاماتتىق اۆياتسيا كوميتەتى ءتوراعاسىنىڭ ورىنباسارى:  
 
 2006 - جىلدان بەرى بۇيرىق بار، وعان سايكەس اۆياتسيا سالاسىندا اۋە كەمەلەرىنە بەنزين قۇيۋعا بولادى. بۇل بۇيرىق 3 جىلدىق سىناقتار نەگىزىندە، اتالمىش ۇشاقتىڭ قوزعالتقىشىن قۇراستىرۋشىلارمەن كەڭەسە جاسالدى. قازىر قازاقستاندا 115 دانا ا ن-2 ۇشاعى قولدانىستا.   

 ءبىراق اپاتقا وسى جاعداي سەبەپ بولدى ما، جوق پا - ازىرگە بەلگىسىز. سەرىك مۇقتىبايەۆتىڭ سوزىنشە، تەرگەۋ امالدارى 2-3 ايعا سوزىلادى. «ال تەرگەۋ اياقتالعان سوڭ، قاجەت بولسا، ەلىمىزدەگى وسى تيپتەگى بارلىق اۋە كولىكتەرى تەكسەرىستەن ءوتۋى مۇمكىن»، - دەيدى ازاماتتىق اۆياتسيا كوميتەتىنىڭ وكىلى.
   
 20 - قاڭتاردا قۇلاعان ۇشاق قاڭقاسى الماتىعا جەتكىزىلدى. سونداي- اق مۇقتىبايەۆ وسىدان ءدال 2 جىل بۇرىن الماتى ماڭىندا قۇلاعان CRJ ۇشاعى اپاتىنىڭ سەبەپتەرى بويىنشا شەت ەلدىك مامانداردىڭ ساراپتاماسى بار ەكەنىن ايتتى. «تەرگەۋ جۇمىستارىن جۇرگىزىپ وتىرعان ارنايى كوميسسيا الداعى ايدا قورىتىندىسىن جاريالاۋى مۇمكىن»، - دەدى. ايتا كەتەيىك، سوڭعى 5 جىلدا ەلىمىزدە 28  ۇشاق اپاتى تىركەلدى. ال وتكەن اپتادا بولعان ا ن-2 ۇشاعى اپاتىنان التى ادام كوز جۇمدى.    

«استانا» ارناسى