ساراپشىلار ا ن-2 ۇشاعىنىڭ اپاتىنان ءبىر ادامنىڭ قالاي امان قالعانى تۋرالى ايتتى

بۇل تۋرالى بۇگىن جۋرناليستەرگە ق ر ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى ءتوراعاسىنىڭ ورىنباسارى سەرىك مۇحتىبايەۆ ءمالىم ەتتى.

«ول ۇشاق ەسىگىنىڭ جانىندا وتىرعان. مۇمكىن، وسى جاعداي ونى قۇتقارىپ تا قالعان شىعار. سوققى وتە قاتتى بولدى. ول جەردە ۇشاقتىڭ تەك ارتقى بولىگى عانا قالدى»، - دەدى ول تىلشىلەرگە بەرگەن سۇحباتىندا.

ەستەرىڭىزگە سالا كەتەيىك، 20 - قاڭتاردا جامبىل وبلىسى شۋ اۋدانىندا بالقاش- شاتىركول باعىتىنا بەت العان «وليمپ- ەير» كومپانياسىنىڭ ا ن-2 ۇشاعى اپاتقا ۇشىرادى. ونىڭ ىشىندە «قازاق مىس» كورپوراتسياسىنىڭ «بالقاش ءتۇستى مەتالل» ءو ب باس گەولوگى اسەم شاياحمەتوۆا دا بولعان ەدى.

اپات ساتىندە ول دەرەۋ «112» تەلەفونى ارقىلى قۇتقارۋ قىزمەتىنە حابارلاسىپ ۇلگەرگەن. وقيعا ورنىنا كەلگەن جامبىل وبلىسى ت ج د جەدەل دەن قويۋ بريگاداسى اۋە اپاتىنان جالعىز امان قالعان جولاۋشىنى شۋ قالاسىنداعى ورتالىق اۋداندىق اۋرۋحاناعا جەتكىزدى. كەيىن ول استاناعا جەتكىزىلگەن بولاتىن.

اۆتور: جاسۇلان جولدىبايەۆ