حالىقارالىق «كوشپەلىلەر شايقاسى-2» تۋرنيرىنىڭ العاشقى جەڭىمپازدارى انىقتالدى
وسى جارىس اياسىندا الدىمەن تۇڭعىش رەت م م ا بويىنشا قازاقستان كۋبوگىنىڭ فينالدىق سايىستارى بولدى. شارشى الاڭعا بارلىعى جەتى جۇپ شىقتى.
61,2 كەلى سالماق دارەجەسى بويىنشا الماتى وبلىسىنىڭ تۋماسى ارمان ءاشىموۆ الماتىلىق اسىل المابايەۆتى ايقىن باسىمدىقپەن جەڭدى.
65,8 كەلى سالماقتا استانالىق مۇراتبەك قاسىمبايدىڭ سولتۇستىك قازاقستاندىق التىنبەك ءباجىموۆتان مەرەيى ۇستەم بولدى.
70,3 كەلى سالماق ساناتىندا تارازدىق سەرىك تىلەكەيەۆ قاراعاندىلىق يسمايل گەرويەۆتى ايقىن باسىمدىقپەن جەڭدى.
77,1 كەلى سالماقتا كيريلل ياكيموۆيچ تورەشىلەردىڭ شەشىمىمەن ايبەك ابدىعالييەۆتى جەڭدى.
84 كەلى سالماقتا شارشى الاڭعا شىققان ورال قالاسىنىڭ تۋماسى ەركىنبەك ىنجەل اتىراۋلىق جاسۇلان قاسىموۆتى تىزە بۇكتىردى.
93 كەلى سالماق دارەجەسىندە استانالىق زاحار بەلوۋسوۆ تەحنيكالىق نوكاۋتپەن اتىراۋلىق امانگەلدى بەكقالييەۆتى جەڭسە، 93 كەلىدەن جوعارى سالماقتا قاراعاندى قالاسىنىڭ تۋماسى 22 جاستاعى ميراس قوناقوۆ 38 جاستاعى قوستانايلىق الەكساندر استاپوۆتى تەحنيكالىق نوكاۋتپەن ءسۇرىندىردى.
جالپى كوماندالىق ەسەپتە استانا قالاسىنىڭ كومانداسى قازاقستان كۋبوگىن جەڭىپ الدى. ەكىنشى جانە ءۇشىنشى ورىنداردى باتىس قازاقستان مەن قاراعاندى وبلىسىنىڭ كوماندالارى ءبولىستى.
اۆتور: جاپپاربەرگەن ايبوتا
