قىتايدا 2 جاسار ءسابيدى شوشقا جەپ قويدى

استانا. قازاقپارات - كىشكەنتاي بالالاردىڭ ءبىر ورىندا وتىرمايتىن تىنىمسىز ەكەنى بەلگىلى. ءتىپتى، ءاربىر ءىس ارەكەتىنەن كوز جازباي باقىلاپ وتىراتىن اتا-انالاردىڭ ءوزى كەيدە ۇلگەرمەي قالىپ جاتاتىن جايتتار ءجيى كەزدەسەدى.

سوندا دا، ويىن بالالارىنان كوز جازىپ قالۋدىڭ سوڭى كەي كەزدە ورنى تولماس اۋىر جايتتارعا اكەپ سوعىپ جاتاتىنى دا شىندىق. تاپ وسىنداي جاعداي قىتايدىڭ شاعىن اۋىلىندا ورىن الدى. ەكى جاسار ۆەي تساونى اتا-اناسى ەركەلەتىپ كەكە دەپ اتايتىن. ءبىر كۇنى اناسى ۇلىن اۋلادا ءبىر ساتكە عانا قاراۋسىز قالدىرعانى سول-اق ەكەن، ءسابي ءۇي جانۋارلارىن ۇستايتىن قوراعا كىرىپ كەتكەن.

كەكە تاياۋدا عانا تورايلارىن وربىتكەن شوشقانى قىزىقتاپ قاراعىسى كەلگەن بولۋى كەرەك. وكىنىشكە وراي، تورايلارىن قىزعانعان شوشقا اشۋعا ءمىنىپ، بالاعا تاپ بەرگەن.  ۇلىنىڭ جان ۇشىرا ايقايلاعان داۋىسىن ەستىگەن انا قوراعا جۇگىرىپ جەتكەندە، كەش قالعانىن تۇسىنەدى.

ول بالاسىنىڭ باسىن تىستەگەن شوشقانى كورىپ، ونى قۇتقارۋعا جالعىز ءوزىنىڭ شاماسى جەتپەيتىنىن سەزگەن سوڭ، باسقالاردى كومەككە شاقىرادى. اۋىل تۇرعىندارى شوشقانى ۇستاپ، اعاشقا بايلاپ، قارنىن جارعاندا ونىڭ ىشىنەن بالانىڭ دەنە بولشەكتەرىن تابادى.