ش ق و-دا جىلىنا 2 مىڭ توننا بال وندىرىلەدى

استانا. قازاقپارات - شىعىس قازاقستان وبلىسىندا جىلىنا شامامەن 2 مىڭ توننا بال شىعارىلادى. بۇل تۋرالى بۇگىن استانادا شىعىس قازاقستان مەن قوستاناي وبلىسى اۋىل شارۋاشىلىعى ونىمدەرىن وندىرۋشىلەرىنىڭ قاتىسۋىمەن ءوتىپ جاتقان جارمەڭكەدە قازاقپارات تىلشىسىنە ش ق و اۋىل شارۋاشىلىعى باسقارماسى باسشىسىنىڭ ورىنباسارى اسۋات ناسىروۆ ايتتى.

«جىل سايىن ءبىز 1,5-2 مىڭ توننا بال جينايمىز. جالپى وڭىردەگى ارا ۇيالارىنىڭ سانى 55 مىڭعا جەتەدى. دەگەنمەن، بىلتىر بيىلعىعا قاراعاندا ءونىمىمىز اناعۇرلىم كوبىرەك»، - دەدى ول.

ا. ناسىروۆتىڭ ايتۋىنشا، ش ق و-دا شىعارىلاتىن بال تەك قازاقستاندا عانا ەمەس، الىس-جاقىن شەتەلدەردە دە جوعارى سۇرانىسقا يە. «ءبىزدىڭ ومارتاشىلار بالدارىن وزبەكستانعا شىعارادى. جۋىردا رەسەيگە بارىپ قايتتىق. وندا دا ءبىزدىڭ بالىمىزعا دەگەن سۇرانىس وتە جوعارى»، - دەپ اتاپ ءوتتى ول.

ا. ناسىروۆتىڭ ايتۋىنشا، اتالعان سالانى دامىتۋ ماقساتىندا وڭىردە جىل سايىن حالىقارالىق بال فەستيۆالى وتكىزىلەدى. بيىل بۇل شاراعا 15 ەل قاتىسقان.

اۆتور: ءابۋ-اسقار مەكەش ۇلى