استانادا وتكەن سەنبىلىك كۇنى 2 مىڭنان استام اعاش وتىرعىزىلدى - فوتو
اۋقىمدى شارا استانا قالاسىنىڭ اكىمى يمانعالي تاسماعامبەتوۆتىڭ قاتىسۋىمەن باستالدى. قالا باسشىسى العاشقى كوشەتتى ءوزى وتىرعىزدى.
«جالپى قالالىق سەنبىلىك يگى داستۇرگە اينالدى. سەنبىلىكتىڭ نەگىزگى مىندەتى - ءاربىر قالا تۇرعىنىنىڭ قالانى كوگالداندىرۋعا، تازارتۋعا، تارتىپكە كەلتىرۋگە ۇلەس قوساتىنى. جالپى، ءۇش اۋدان بويىنشا سەنبىلىككە 100 مىڭنان استام ادام قاتىسادى دەپ كۇتىلۋدە. سەنبىلىكتىڭ تاربيەلىك ءمانى بار ەكەنىن اتاپ وتپەكپىن»، - دەدى استانا قالاسىنىڭ اكىمى يمانعالي تاسماعامبەتوۆ.
20 - قىركۇيەكتە جالپىقالالىق سەنبىلىككە 4300 كاسىپورىن جانە ۇيىم، 47 جوعارى جانە ارنايى ورتا وقۋ ورىندارى، 86 ورتا مەكتەپ، 131 مەملەكەتتىك مەكەمەلەر مەن ۇلتتىق كومپانيالاردان 95 مىڭعا جۋىق ادام قاتىستى. ولاردى اۋداندىق اكىمدىكتەر قاجەتتى قۇرال- جابدىقتارمەن، اتاپ ايتقاندا كۇرەك، تىرناۋىش، قولعاپتار مەن قوقىس سالاتىن قاپتارمەن قامتاماسىز ەتتى. سەنبىلىك كەزىندە جينالعان قوقىستى شىعارۋعا 460 تەحنيكا، سونىڭ ىشىندە 280 جۇك كولىگى، 180 جۇك تيەگىش جۇمىلدىرىلدى.
سەنبىلىك كۇنى بىرنەشە اۋماقتا 2 مىڭنان استام اعاش وتىرعىزىلدى. اتاپ ايتقاندا، الماتى اۋدانىندا - 2153 اعاش ، سارى ارقا اۋدانىندا - 150 اعاش جانە 1000 پ. م. جاسىل قورشاۋ وتىرعىزىلدى.
ەكولوگيالىق ايلىق شەڭبەرىندە قالا اۋماعىن سانيتارلىق تازارتۋ، كوشەلەر، تروتۋارلار جانە كۆارتال اۋماقتارىن تازالاۋ جۇمىستارى جۇرگىزىلەدى. سونىمەن قاتار، ەسىل وزەنى، اقبۇلاق پەن سارىبۇلاق جىلعالارىن قوقىستان جانە باسقا دا تۇرمىستىق قالدىقتاردان تازارتىلادى. نوسەرلىك جانە ارىق- ناۋالى كارىز جۇيەلەرىن تازارتىلىپ، ساياباقتار مەن شاعىن باقتارداعى جاسىل جەلەكتەردى كۇتۋدىڭ ماۋسىمدىق اگروتەحنيكالىق جۇمىستارى جۇرگىزىلەدى.
اتاپ ءوتۋ كەرەك، 2014 - جىلعى 14 - ساۋىردە وتكەن جالپى قالالىق سەنبىلىك كەزىندە استانادا 5631 توننا قوقىس شىعارىلىپ، تۇرمىستىق قالدىق زاتتارىن كومەتىن پوليگوندا كومىلگەن بولاتىن. ول ءۇشىن 646 رەيس جاسالعان. الماتى اۋدانىنان 2121,5 توننا (252 رەيس) ، ەسىل اۋدانىنان 1947 توننا (174) ، سارىارقا اۋدانىنان 1563,3 توننا (220 رەيس) قوقىس شىعارىلعان بولاتىن. سەنبىلىكتە 198 جۇك تيەگىش تەحنيكا، 457 جۇك كولىگى جۇمىلدىرىلدى. 5 ميلليون 300800 شارشى مەتر ساياباقتار مەن گۇلزارلار اۋماعى تازارتىلعان. 4642 ءتۇپ اعاش وتىرعىزىلىپ، 59904 اعاش اكتەلدى.
