قاراعاندىدا «رەكەتير-2» فيلمىنىڭ ءتۇسىرىلىمى باستالدى

استانا. قازاقپارات - اقان ساتايەۆ «رەكەتير» فيلمىنىڭ ەكىنشى ءبولىمىن ءتۇسىرۋدى باستادى.

بۇل تۋرالى اتاقتى رەجيسسەردىڭ توبى مەن اكتەرلەرى الەۋمەتتىك جەلىلەرىنە كينونى ءتۇسىرۋ الاڭىنان كورىنىس بەرەتىن فوتوسۋرەتتەرىن سالعان سوڭ بەلگىلى بولدى.

كريمينالدىق درامانىڭ قازىرگى جوبالىق اتاۋى -  «رەكەتير-2: كەك».

قاراعاندىدا ءتۇسىرىلىپ جاتقان فيلمدە ونىڭ ءبىرىنشى بولىمىندە ويناعان اكتەرلەر سايات يسەمبايەۆ، اسەل ساگاتوۆا، جان بايجانوۆ تاعى كورەرمەندەر الدىنا شىعادى. سونداي-اق كارتيناعا تۇسۋگە جاس تا بولسا تانىمال بولىپ ۇلگەرگەن ايان وتەپبەرگەن، باۋىرجان ابىشيەۆ، داستەن شاكىروۆ پەن ماكسيم اكباروۆ تارتىلعان.

ايتا كەتەيىك، «رەكەتير» فيلمى قازاقستاندىق ەكرانعا 2007 - جىلى شىققان ەدى. وندا باستى كەيىپكەر سايان بەككارىموۆتىڭ ءومىر جولىنداعى باسىنان وتكەرگەن قيىن-قىستاۋ كەزەڭدەرى ونىڭ ءوزىنىڭ اتىنان باياندالادى.