قارسىلاسىن تىستەپ العان لۋيس سۋارەس 2 جىلعا فۋتبولدان شەتتەتىلۋى مۇمكىن

بۇل تۋرالى فەدەراتسيانىڭ سايتىندا حابارلاندى.
FIFA ەرەجەلەرىنە سايكەس، وسىنداي ءتارتىپ بۇزۋشىلىق ءۇشىن فۋتبولشىعا 24 ماتچقا، ياعني 2 جىلعا دەيىن ويىننان شەتتەتۋ جازاسى قولدانىلادى. ساراپشىلار وتە قاتاڭ جازا قولدانىلمايدى جانە سۋارەستى بۇدان الدەقايدا جەڭىل ايىپ كۇتىپ تۇر دەپ توپشىلاۋدا.
ايتا كەتەيىك، ۋرۋگۆايلىق شابۋىلشى بۇعان دەيىن دە ءوز قارسىلاستارىنا بىرنەشە رەت ءتىس باتىرىپ كورگەن. وسىعان ۇقساس وقيعا ءبىرىنشى رەت 2010 - جىلى بولدى. ول كەزدە گوللانديانىڭ «اياكس» كومانداسى ساپىندا ويناپ جۇرگەن سۋارەس پسۆ ويىنشىسى وتمان باككالدى تىستەپ الدى. كەيىن انگليانىڭ «ليۆەرپۋل» كومانداسىنا اۋىسقان شابۋىلشى 2013 - جىلى «چەلسيدىڭ» قورعاۋشىسى برانيسلاۆ ءيۆانوۆيچتى يىعىنان تىستەپ الدى. سول ءۇشىن انگليا فۋتبول قاۋىمداستىعى سۋارەستى ون ماتچقا قاتىستىرماي قويعان بولاتىن.