مەملەكەتتىك گرانتتىڭ 2 پايىزى قازاقستان رەسپۋبليكاسىنىڭ ازاماتتارى بولىپ تابىلمايتىن ۇلتى قازاق ازاماتتارىنا بەرىلەدى - ت. بالىقبايەۆ

استانا. قازاقپارات - بيىل مەملەكەتتىك گرانت سانى 800 گە قىسقاردى. بۇل تۋرالى بۇگىن ق ر ءبىلىم جانە عىلىم ۆيتسە- ءمينيسترى تاحير بالىقبايەۆ ءمالىم ەتتى.

«بىلتىرعى جىلمەن سالىستىرعاندا بيىلعى جىلى گرانتتىڭ سانى سول دەڭگەيدە قالدى دەپ ايتۋعا بولادى. دەگەنمەن 800 ادامعا ازايدى. ول كەيبىر ماماندىقتارعا مەملەكەتتىك تاپسىرىستى ماگيستراتۋراعا اۋىستىرۋىمىزعا بايلانىستى ورىن الدى» ، - دەدى.

ت. بالىقبايەۆتىڭ اتاپ وتۋىنشە، مۇگەدەك، جەتىم بالالارعا جانە شەتەلدەن كەلگەن بالالارعا ارنالعان ارنايى كۆوتالار وتكەن جىلعى دەڭگەيدە قالىپ وتىر. ياعني، بولىنگەن مەملەكەتتىك گرانتتىڭ 1 پايىزىІ  جانە ІІ توپتاعى مۇگەدەكتەر، بالا كەزىنەن مۇگەدەكتەر، مۇگەدەك بالالار توبىنداعى ازاماتتارعا،   2  پايىزى قازاقستان رەسپۋبليكاسىنىڭ ازاماتتارى بولىپ تابىلمايتىن ۇلتى قازاق ازاماتتارىنا، 1 پايىزى جەتىم بالالار مەن اتا- انالارىنىڭ قامقورلىعىنسىز قالعان بالالارعا بەرىلەدى.

ەستەرىڭىزگە سالا كەتەيىك، اعىمداعى جىلى شامامەن 34 مىڭ گرانت بولىنەدى. ونىڭ شامامەن 12 مىڭى تەحنيكالىق ماماندىقتارعا بەس مىڭعا جۋىعى پەداگوگيكالىق ماماندىقتارعا، شامامەن 2600 گرانت اۋىل شارۋاشىلىعى ماماندىقتارىنا بەرىلەدى.

اۆتور: مارلان جيەمباي