فيليپپيندە سۋ تاسقىنىنان قازا تاپقاندار سانى 29 ادامعا جەتتى

None
بانگكوك. تاسس - قازاقپارات - فيليپپيندە سۋ تاسقىنى سالدارىنان كەم دەگەندە 29 ادام قازا تاپتى، 4 ادام ءىز-ءتۇزسىز كەتتى.

سەيسەنبىدە تاراتىلعان تابيعي اپاتتىڭ الدىن الۋ جانە جويۋ جونىندەگى كەڭەستىڭ ەسەبىندە ايتىلعانداي، قولايسىز اۋا رايى رەسپۋبليكانىڭ 14 ايماعىندا 1,39 ميلليوننان استام ادامعا زيان كەلتىرگەن. بۇعان دەيىن 28 ادامنىڭ قازا تاپقانى تۋرالى ءمالىم ەتىلگەن ەدى، دەپ حابارلايدى قازاقپارات تاسسقا سىلتەمە جاساپ.

ۆەدومستۆونىڭ مالىمەتىنشە، 203,3 مىڭ ادام 484 ەۆاكۋاتسيالىق ورتالىققا ورنالاستىرىلعان. كەم دەگەندە 14,1 مىڭ ادام ۇيلەرىن تاستاپ كەتىپ، 12 ازامات ءتۇرلى جاراقات الدى. 14 وڭىردە سۋ تاسقىنى مەن كوشكىنگە بايلانىستى مىڭنان استام وقيعا تىركەلدى.

اپات 1,37 مىڭ ۇيگە (قۇنى 2,41 ميلليون پەسو (43,8 مىڭ دوللار) زاقىم كەلتىردى. 156 ينفراقۇرىلىمدىق نىسانعا كەلتىرىلگەن زالال 171,5 ميلليون پەسوعا ($3,13 ميلليون)، اۋىل شارۋاشىلىعىنا - 399,5 ميلليون پەسوعا (77,29 ميلليون) باعالانىپ وتىر. سۋ تاسقىنى 238 جول مەن 55 كوپىرگە زاقىم كەلتىردى، 26 تەڭىز پورتىنىڭ جۇمىسىنا كەدەرگى بولعان.

555 قالا مەن 134 مۋنيتسيپاليتەتتە وقۋ ورىندارىنداعى ساباقتار مەن كاسىپورىندارداعى جۇمىس توقتاتىلدى. 32 ەلدى مەكەندە اپات رەجيمى ەنگىزىلدى. ۇكىمەت كومەك كورسەتۋگە 74,5 ميلليون پەسو ($1,36 ميلليون) ءبولىپ وتىر.


سوڭعى جاڭالىقتار