كورەيادا 29 مىڭ ەۋرو تۇراتىن جۇلىن وپەراتسياسى ەلوردادا تەگىن جاسالادى
پاتسيەنتتىڭ ايتۋىنشا، اعىمداعى جىلدىڭ ناۋرىز ايىندا وڭ جاق قولى مەن وڭ جاق اياعى السىزدەنىپ، ۇيىپ قالىپ، مازالاي باستايدى. ول تۇرعىلىقتى جەرى بويىنشا نيەۆرولوگتان ەم قابىلدايدى، ءبىراق ونىڭ دەنساۋلىعى جاقسارمايدى. كوپ ۇزاماي پاتسيەنت مويىن ومىرتقاسىنىڭ م ر ت دياگنوستيكاسىنا جىبەرىلەدى. م ر ت تۇسىرىمدەرىنىڭ ناتيجەلەرى بويىنشا پاتسيەنتكە س1-س4 ومىرتقالارى (كاۆەرنوما) دەڭگەيىندە ينترامەدۋليارلى تامىرلى ىسىگى انىقتالادى. ىسىك باسسۇيەگى نەگىزىندە ميعا وتەتىن جۇلىننىڭ ىشىندە ورنالاسقان. ىسىكتىڭ ورنالاسۋى وتە قيىن جەردە بولعاندىقتان، نەيروحيرۋرگتاردىڭ اسقان شەبەرلىگى، زاماناۋي جابدىقتار مەن تەحنيكا قاجەت ەدى.
ايتا كەتەيىك، مۇنداي كۇردەلى وپەراتسيانى تەك نەيروحيرۋرگيا ورتالىعىندا عانا جاساۋعا بولادى. كورەيادا نەيروحيرۋرگيا ورتالىعىندا جاسالعان ءدال وسىنداي وتا ءۇشىن مەنەن 29000 ەۆرو سۇراعان. الايدا شەتەلدىك دارىگەرلەر مۇنداي وپەراتسيا قازاقستاندا دا جاقسى جاسالاتىنىن تۋرالى پىكىر بىلدىرگەن.
وپەراتسيانى اتالعان ورتالىقتىڭ جۇلىن نەيروحيرۋرگياسى، شەتكى جۇيكە جۇيەسىنىڭ پاتولوگياسى بولىمشەسىنىڭ مەڭگەرۋشىسى تالعات كەرىمبايەۆ پەن نەيروحيرۋرگ- دارىگەر جاندوس تۇيعىنوۆ جاسادى. تالعات تىنىشباي ۇلىنىڭ ايتۋىنشا، وپەراتسيا كەزىندە اناتوميالىق ويىقتاردىڭ بويىمەن ىسىككە دەيىن جەتۋ جانە جۇلىننىڭ وتكىزگىش جولدارى مەن ورتالىقتارىنا زاقىم كەلتىرمەي، ونى الىپ تاستاۋ ءبىرىنشى كەزەكتەگى مىندەت بولعان. وپەراتسيا ءساتتى ءوتتى، ىسىك تولىعىمەن الىنىپ تاستالدى. 2 تاۋلىكتەن سوڭ ناۋقاس اياققا تۇردى. وسىنداي جوعارى تەحنولوگيالىق نەگىزدە جاسالعان كۇردەلى وپەراتسيا پاتسيەنتكە م ءا م س اياسىندا كۆوتا بويىنشا جۇرگىزىلدى . پاتسيەنت وپەراتسيادان كەيىن ۇيىنە شىقتى.
