جەل، جاڭبىر، نايزاعاي: 29- تامىزعا ارنالعان اۋا رايى
قازاقستاننىڭ سولتۇستىگىندە، ورتالىعىندا، وڭتۇستىك جانە وڭتۇستىك-شىعىستىڭ تاۋلى اۋداندارىندا اتموسفەرالىق فرونتتار ءجۇرىپ وتەدى. سونىڭ اسەرىنەن قاتتى جاڭبىر جاۋادى.
رەسپۋبليكا اۋماعىندا نايزاعاي وينايدى. كۇندىز ەلىمىزدىڭ سولتۇستىگىندە شاڭدى داۋىل سوعىپ، كۇن كۇركىرەيدى، جەل كۇشەيەدى.
ەلدىڭ وڭتۇستىگىندە دە شاڭدى داۋىل تۇرادى، سولتۇستىكتە جانە وڭتۇستىك-شىعىستىڭ تاۋلى اۋداندارىندا بۇرشاق جاۋادى.
ەلىمىزدىڭ شىعىسىندا، باتىسىندا جانە وڭتۇستىك-باتىسىندا جاۋىن-شاشىن جاۋمايدى.
اقمولا وبلىسىندا نايزاعاي جارقىلدايدى، ءوڭىردىڭ سولتۇستىگىندە تۇمان تۇسەدى. ال ورتالىعىندا جانە شىعىسىندا بۇرشاق جاۋىپ، داۋىل سوعادى.
باتىسىندا، سولتۇستىگىندە جەل ەكپىنى 15-20 م/س دەيىن كۇشەيەدى.
سولتۇستىك قازاقستان وبلىسىنىڭ وڭتۇستىك-باتىسىندا - نايزاعاي، بۇرشاق، كۇندىز شاڭدى داۋىل مەن جەل. جەل جىلدامدىعى كۇندىز سەكۋندىنا 23 مەترگە جەتەدى.
پاۆلودار وبلىسىنىڭ سولتۇستىگىندە جانە باتىسىندا كۇن كۇركىرەيدى، كۇندىز بۇرشاق جاۋادى. نايزاعاي كەزىندە جەلدىڭ كۇشى 15-20 م/س بولادى.
كۇندىز قاراعاندى وبلىسىنىڭ سولتۇستىگىندە جانە شىعىسىندا نايزاعاي وينايدى، سولتۇستىگىندە جانە باتىسىندا جەل قارقىنى - 15-20 م/س.
جامبىل وبىسىنىڭ تاۋلى اۋداندارىندا، سولتۇستىك-شىعىس ماڭايىندا نايزاعاي جارقىلداپ، بۇرشاق جاۋادى. كۇندىز ايماقتىڭ وڭتۇستىك-باتىسىندا، سولتۇستىك-شىعىسىندا جەل كۇشەيەدى.
ال سولتۇستىك-شىعىستا شاڭدى داۋىل كوتەرىلەدى. كۇندىز تۇركىستان وبلىسىنىڭ تاۋلى اۋداندارىندا كۇن كۇركىرەيدى.
ءوڭىردىڭ سولتۇستىگىندە جانە تاۋلى اۋداندارىندا جەل ەكپىنى 15-20 م/س دەيىن كۇشەيەدى.
اقتوبە وبلىسىنىڭ شىعىسىندا، كۇندىز قىزىلوردا وبلىسىنىڭ ورتالىعىندا جەل جىلدامدىعى 15-20 م/س جەتەدى.
الماتى وبلىسىنىڭ تاۋلى اۋداندارىندا نايزاعاي جارقىلدايدى. كۇندىز قاراعاندى وبلىسىنىڭ وڭتۇستىگىندە، الماتى وبلىسىنىڭ باسىم بولىگىندە، ماڭعىستاۋ وبلىسىنىڭ وڭتۇستىگىندە اپتاپ ىستىق بولادى.
ماڭعىستاۋ، اتىراۋ، باتىس قازاقستان، اقتوبە، قىزىلوردا، تۇركىستان، جامبىل وبلىستارىندا، قوستاناي، الماتى، قاراعاندى وبلىستارىنىڭ باسىم بولىگىندە، شىعىس قازاقستان وبلىسىنىڭ وڭتۇستىگىندە، اقمولا وبلىسىنىڭ باتىسىندا توتەنشە ءورت قاۋپى ساقتالادى.
