قىتايدا ەكىقاباتتى قوناق ءۇي قۇلاپ، 29 ادام مەرت بولدى

اگەنتتىكتىڭ حابارلاۋىنشا، وسى ۋاقىتتا وقيعاعا بايلانىستى ادامداردى ىزدەستىرۋ جۇمىستارى اياقتالدى.

ەكىقاباتتى قوناق ءۇي سەنبى كۇنى جەرگىلىكتى ۋاقىت بويىنشا تاڭعى ساعات 9:40 تا قىتايدىڭ شانسي پروۆينتسياسىنا قاراستى لينفەن قالالىق وكرۋگىندەگى سيانفەن ۋەزىندە بولعان. اپاتتىڭ نەدەن بولعاندىعى ازىرگە انىقتالعان جوق.

اگەنتتىكتىڭ حابارلاۋىنشا، ىزدەۋ-قۇتقارۋ جۇمىستارى جەكسەنبىگە قاراعان ءتۇنى اياقتالعان. قۇتقارۋشىلار قيراندىلاردىڭ استىنان 57 ادامدى تاپقان، ولاردىڭ 29 ى مەرت بولعان. 7 ادامنىڭ جاراقاتى اۋىر، 21 ادام جەڭىل جاراقات العان.

وسى كەزدە اۋىر جارالانعانداردىڭ ومىرىنە ءقاۋىپ ءتونىپ تۇرعان جوق، ولارعا قاجەتتى مەديتسينالىق كومەك كورسەتىلۋدە. قۇتقارۋ وپەراتسياسى اياقتالعان سوڭ وقيعانىڭ سەبەپ-سالدارىن انىقتاۋ جونىندەگى كوميسسيا قۇرىلدى.