قىتايدا قوناق ءۇي وپىرىلىپ، 29 ادام كوز جۇمدى

بەيسەنبى كۇنى قۇتقارۋشىلار ۇيىندىلەر استىنان تاعى ءبىر ادامنىڭ دەنەسىن شىعاردى. بۇل تۋرالى شينحۋا اگەنتتىگىنە سىلتەمە جاساپ، قازاقپارات حابارلايدى.

قۇتقارۋ قىزمەتىنىڭ جەرگىلىكتى شتابى بەرگەن مالىمەتكە سايكەس، قازا بولعان ادامنىڭ دەنەسى تاڭەرتەڭ ساعات 11:04 تە جيۋاڭجۋ قالاسىندا انىقتالعان.

ليسەن اۋدانىندا ورنالاسقان «جىشياڭ» قوناق ءۇيى سەنبى كۇنى كەشكە وپىرىلىپ قۇلادى. ۇيىندىلەر استىندا 71 ادام قالدى. سونىڭ 27 ءسى كوز جۇمدى. تاعى ەكەۋى ءتىرى تابىلدى، الايدا ولاردى قۇتقارۋ مۇمكىن بولمادى.

الدىن الا تەرگەۋ ءقوناقۇي عيماراتىنىڭ قۇرىلىسى، جوندەۋ جۇمىستارى جانە تاپسىرىلعان كەزدە كۇردەلى كەمشىلىكتەرگە جول بەرىلگەنى انىقتالعان.

وقيعاعا جاۋاپتى ادامدار قاماۋعا الىندى، دەپ حابارلادى جيۋاڭجۋ قالاسى اكىمىنىڭ ورىنباسارى حونگ جىشياڭ (Hong Ziqiang) .

عيمارات 2013 -جىلى سالىنعان. 2018 -جىلدان بەرى قوناق ءۇي رەتىندە پايدالانىلا باستادى.