ەكپىندى جەل، كوكتايعاق، بۇرقاسىن - سينوپتيكتەردىڭ 29- قاراشا كۇنگى بولجامى
وسىعان بايلانىستى جاۋىن-شاشىن كۇتىلەدى، كەي جەرلەردە ول قاتتى جاۋادى. جوعارى ەكپىندەگى جەل ساقتالادى، سولتۇستىكتە بۇرقاسىنمەن بىرگە. سونداي-اق رەسپۋبليكانىڭ كەي جەرلەرىندە تۇمان، كوكتايعاق بولجانادى، دەپ حابارلايدى قازاقپارات.
«قازگيدرومەت» ر م ك- نىڭ حابارلاۋىنشا، اقمولا وبلىسىندا جەل كۇشەيىپ، ەكپىنى 25 م/س جەتەدى، كەي جەرلەردە 30 م/س جانە ودان جوعارى بولادى. كوكتايعاق بولۋى ىقتيمال.
پاۆلودار وبلىسىندا كۇندىز جەل 15-20 كۇشەيەدى، ەكپىنى 25، كەي جەرلەردە 30 م/س اسادى. كوكتايعاق كۇتىلەدى.
قوستاناي وبلىسىندا 15-20 م/س جىلدامدىقپەن سوعاتىن جەلدىڭ ەكپىنى 23 م/س كۇشەيەدى، بۇرقاسىن، تۇمان، كوكتايعاق بولادى.
سولتۇستىك قازاقستان وبلىسىندا 15-20 م/س جىلدامدىقتا جەل تۇرادى. كەي جەرلەردە بۇرقاسىن، كوكتايعاق، تۇمان كۇتىلەدى.
قاراعاندى وبلىسىنىڭ جەكەلەگەن اۋماقتارىندا بۇرقاسىن، تۇمان، كوكتايعاق كۇتىلەدى، جەل 15-20 م/س ارتادى.
شىعىس قازاقستان وبلىسىنىڭ كەي جەرلەرىندە كوكتايعاق بولجانادى، جەل 15-20 م/س كۇشەيەدى.
تۇركىستان، تۇندە الماتى وبلىستارىنىڭ كەي جەرلەرىندە تۇمان كۇتىلەدى.
جامبىل وبلىسىنىڭ كەي جەرلەرىن تۇمان باسىپ، جەل 15-20 م/س جەتەدى.
قىزىلوردا وبلىسىندا كوكتايعاق، تۇمان، بۇرقاسىن، 15-20 م/س ەكپىندە جەل بولجانادى.
اتىراۋ، ماڭعىستاۋ وبلىستارىندىڭ كەي جەرلەرىندە تۇمان كۇتىلەدى، كۇندىز جەل 15-20 م/س كۇشەيەدى.
باتىس قازاقستان وبلىسىنىڭ كەي جەرلەرىندە تۇمان، كوكتايعاق بولادى، جەل 15-20 م/س كۇشەيەدى.
اقتوبە وبلىسىنىڭ كەي جەرلەرىندە كوكتايعاق، جاياۋ بۇرقاسىن كۇتىلەدى، جەل 15-20 م/س كۇشەيەدى.