09:53, 21 - ناۋرىز 2017 | GMT +5
ۇلى بريتانيا برەكسيتتى 29- ناۋرىزدا باستايدى
استانا. قازاقپارات - ۇلى بريتانيا پرەمەر-ءمينيسترى تەرەزا مەي 29- ناۋرىزدا كورولدىكتىڭ ەۋرووداق قۇرامىنان شىعۋ ۇدەرىسىن باستايدى، دەپ حابارلايدى حابار 24- تەلەارناسى.
بۇل تۋرالى تەرەزا مەي تۇماندى البيوننىڭ ەۋرووداقتاعى تۇراقتى وكىلى تيم بارروۋ ەۋروكەڭەس باسشىلارىنا مالىمدەگەن.
بۇعان دەيىن بريتانيا ۇكىمەتى وداقتان شىعۋ ۇدەرىسىنىڭ ناۋرىز ايىنىڭ سوڭىنا دەيىن باستايتىنىن ايتقان. ايتا كەتەرلىگى، 14- ناۋرىزدا اتالمىش قۇجاتتى پارلامەنت ماقۇلدادى. ۇلى بريتانيانىڭ Brexit ماسەلەلەرى جونىندەگى ءمينيسترىنىڭ مالىمدەۋىنشە، ۇكىمەت 2016-جىلدىڭ ماۋسىمىنداعى حالىق تاڭداۋىن رەسمي تۇردە ورىنداۋعا كەلەسى سارسەنبىدە كىرىسەدى. ال جالپى كەلىسسوزدەر ەكى جىلعا سوزىلۋى مۇمكىن.
