جول ۇستىندە 29 شىلدى اتىپ العان جىگىت ەكى جىلعا سوتتالۋى مۇمكىن
وبلىستىق ءى ءى د باسپا ءسوز قىزمەتىنىڭ مالىمەتىنشە، جول- پاترۋلدىك پوليتسيا روتاسىنىڭ ءتارتىپ ساقشىلارى "پاۆلودار- شارباقتى" اۆتوجولىندا «Mercedes-benz» ماركالى كولىكتى توقتاتىپ، تەكسەرۋ بارىسىندا "م ر-153" قارۋ مەن جابايى قۇستاردى انىقتاعان. «ۇستالعان ازاماتتار جول ۇستىندە ءبىر توپ قۇستى كورىپ قالعان.
بۇدان كەيىن ەر ادام كولىكتەن مىلتىعىن الىپ شىعىپ، قۇستاردى اتا باستاعان دا ولجاسىن كولىككە سالىپ العان. ونىڭ اڭشىلىق جاساۋعا رۇقسات بەرىلگەن قۇجاتتارى بولماعان. قۇرىقتالعان ازاماتقا قاتىستى ق ر ق ك- نىڭ 337-بابى، 3- ءبولىمى بويىنشا سوتقا دەيىنگى تەرگەۋ باستالدى. وسى باپقا سايكەس ول ەكى مىڭ ا ە ك كولەمىندە ايىپپۇل تولەۋى نەمەسە ەكى جىلعا باس بوستاندىعىنان ايىرىلۋى مۇمكىن»، - دەدى باسپا ءسوز قىزمەتىندە.
ايتا كەتەرلىگى، 2016 -جىلى 15 -قاڭتاردان باستاپ جابايى قۇستاردى اۋلاۋ ماۋسىمى جابىلعان. بۇعان قوسا، اۆتوجول توسەمەسىنە جاقىن اۋماقتا اڭشىلىق قۇرۋعا زاڭمەن تىيىم سالىنعان.
