بيىل مۇسىلماندار 29 كۇن اۋىز بەكىتەدى
ايتا كەتەيىك، ءار جىلى رامازان ايىنىڭ قارساڭىندا مۇسىلمان جۇرتشىلىعىندا «بيىل جيىرما توعىز كۇن اۋىز بەكىتەمىز بە، الدە وتىز كۇن بە؟» دەگەن سۇراق تۋىندايدى.
«بيىل مۇسىلماندار 29 كۇن اۋىز بەكىتەدى. ساعىنىشپەن قاۋىشىپ، قيماي قوشتاساتىن قاسيەتتى ورازانىڭ تاراۋىق نامازى وبلىسىمىزدىڭ بارلىق مەشىتتەرىندە ماۋسىم ايىنىڭ 17 سى كەشكى 23:00 شاماسىندا باستالادى. تاراۋىق نامازى حاتىممەن وقىلادى. قادىر ءتۇنى شىلدەنىڭ 13 ىنەن 14 نە قاراعان ءتۇنى بولادى. 17 -شىلدەدە تاڭعى التى شاماسىندا ايت نامازى وقىلادى. ءپىتىر ساداقا قۇنى - 200 تەڭگە»، - دەيدى يسەنوۆ.
ونىڭ ايتۋىنشا، اۋىز بەكىتكەندەرگە رامازان ايىندا سۇيىق تاعامداردى كوپتەپ تۇتىنىپ، سپورتتىق جارىستارعا ازداپ قاتىسۋ كەرەك. ال ءماشھۇر ءجۇسىپ مەشىتىنىڭ نايب يمامى نۇرجان ماناپبايەۆتىڭ ايتۋىنشا، ورازا كەزىندە ءتۇرلى شارالار ۇيىمداستىرىلادى.
«ورتالىق مەشىتتە «اۋەندى ازانشىلار» اتتى ازانشىلار بايقاۋى جانە «حاديس بىلگىرى» اتتى جارىستار وتەدى. سونىمەن قاتار، «اتالى ءسوز - التىن ءنار» اتتى اقساقالدار اراسىندا باتا جارىسى ۇيىمداستىرىلادى. جۇلدەگەرلەر قادىر تۇنىندە باعالى سىيلىقتارمەن ماراپاتتالادى»، - دەيدى ماناپبايەۆ.
ايتا كەتەيىك، بيىل قازاقستانعا تۇركيادان التى قاري كەلەدى. سولاردىڭ ەكەۋى پاۆلودار وڭىرىندە تاراۋىق نامازىن جۇرگىزەدى.