جازۋشى تالاسبەك اسەمقۇلوۆتى اقتىق ساپارعا شىعارىپ سالۋ ءراسىمى 29- قىركۇيەكتە وتەدى
تالاسبەك بايمۇحامەد ۇلى اسەمقۇلوۆ 1955 جىلى 1- تامىزدا شىعىس قازاقستان وبلىسى، اياگوز اۋدانىنا قاراستى اقتوعاي تەمىر جول ستانساسىندا تۋعان. 1980-جىلى اباي اتىنداعى قازاق پەداگوگيكا ينستيتۋتىن تامامداعان. «جازۋشى» باسپاسىندا رەداكتور، قۇرمانعازى اتىنداعى الماتى مەملەكەتتىك كونسەرۆاتورياسىندا مۇعالىم بولىپ ىستەگەن. 1985-جىلى «جالىن» الماناحىندا «اتايى» اتتى تۇڭعىش اڭگىمەسى جارىق كوردى.
«شىمدان» پوۆەسى مەن «تال ءتۇس» رومانىنىڭ، تاعى ءبىرقاتار اڭگىمەلەر مەن ادەبي سىن ماقالالاردىڭ، بىرنەشە كينوسەناريلەردىڭ اۆتورى. سوڭعى جازعان كينوسەناريلەرىنىڭ ءبىرى - «ءبىرجان سال» كوركەم فيلمى. سونىمەن قاتار، تالاسبەك اسەمقۇلوۆ قازاقتىڭ تاريحىنا قاتىستى تالاي تىڭ ماقالالار جازعان. ولاردىڭ ىشىندە وقىرمانعا ۇلكەن وي سالعان «قوڭدىگەر-قاڭلى» كولەمدى ماقالاسىن ايتۋعا بولادى.
اۆتور: جاپپاربەرگەن ايبوتا
