18:24, 02 - شىلدە 2018 | GMT +5
تۇرمەدەن تىكۇشاقپەن قاشىپ كەتكەن قىلمىسكەردى 2900 پوليتسەي ىزدەپ جاتىر
استانا. قازاقپارات - فرانسيادا 2900 پوليتسەي تۇرمەدەن تىكۇشاقپەن قاشىپ كەتكەن قىلمىسكەردى ىزدەپ جاتىر.
جەكسەنبى كۇنى 11:20 شاماسىندا كالاشنيكوۆ اۆتوماتىمەن قارۋلانعان ءۇش ەر ادام قىلمىسكەرگە قاشۋعا كومەكتەسكەن.
بۇل وپەراتسيا بار جوعى بىرنەشە مينۋتقا سوزىلعان. قىلمىسكەردىڭ سىبايلاستارى تىكۇشاقتىڭ ۇشقىشىن كەپىلگە العان. تىكۇشاق تۇرمەنىڭ اۋلاسىنا قونعان. قىلمىسكەرلەر تۇتىندەتەتىن زاتتاردى قولدانىپ، جىلدام ەكى اعاشتى جانە دالىزگە كىرگىزەتىن ەكى قاقپانى كەسكەن.
كەيىن قىلمىسكەرلەر مىنگەن تىكۇشاق تۇرمەدەن 60 ك م جەرگە قونىپ، ۇشقىشتى قويا بەرگەن. سودان كەيىن اۆتوكولىككە ءمىنىپ كەتكەن. ول اۆتوكولىك كەيىن ساۋدا ورتالىعىنىڭ تۇراعىنان ورتەنگەن كۇيىندە تابىلعان. قىلمىسكەرلەردىڭ قايدا كەتكەنى بەلگىسىز. قازىر ىزدەستىرۋ جۇرگىزىلىپ جاتىر.
دەرەككوز: سەگودنيا
