تۇرعىن ءۇي كەزەگىنە تۇرۋ ءۇشىن «جاس وتباسى» ساناتىن 29 جاستان 35 جاسقا دەيىن كوتەرۋ كوزدەلۋدە - ق. وسكەنبايەۆ
بۇل تۋرالى بۇگىن ق ر پارلامەنتى سەناتىندا ۇلتتىق ەكونوميكا ۆيتسە-ءمينيسترى قايىربەك وسكەنبايەۆ ايتتى.
«سالىنعان تۇرعىن ءۇيدىڭ شامامەن 50 پايىزى جاس وتباسىلارعا بەرىلەدى دەپ جوسپارلانعان. جاس وتباسىلارعا قويىلاتىن جاڭا تالاپتار دا بىزدە قاراستىرىلىپ جاتىر. ەگەر بۇگىندە «تۇرعىن ءۇي جيناق بانكى» باعدارلاماسى ارقىلى 29 جاس بەلگىلەنگەن بولسا، قازىر ءبىز بۇل مەجەنى كوتەرۋ كەرەك دەپ ەسەپتەيمىز. ويتكەنى، قانشا دەگەنمەن قازىر جاستار كەش ۇيلەنەدى. وسىعان بايلانىستى، ءبىز بۇل كورسەتكىشتى 35 جاسقا دەيىن كوتەرگىمىز كەلەدى»، - دەدى ق. وسكەنبايەۆ سەناتتا «ق ر-نىڭ تۇرعىن ءۇي قاتىناستارى تۋرالى كەيبىر زاڭنامالىق اكتىلەرگە وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسىن تالقىلاۋ بارىسىندا.
ونىڭ ايتۋىنشا، باعدارلاما جوسپار بويىنشا جىل سوڭىنا دەيىن قابىلدانادى. تۇرعىن ءۇي قۇرىلىسى 2015 - جىلى باستالادى. «جەلتوقساننىڭ سوڭىنا دەيىن مەملەكەتتىك باعدارلاما قابىلدانىپ، پارامەترلەرى وزگەرەدى دەپ كۇتىلۋدە» - دەدى ول.
اۆتور: ءابۋ-اسقار مەكەش ۇلى
