قازاقستاننان زاڭسىز جىلىستاتىلعان 28 ميلليون دوللار بۇعاتتالدى

نۇر- سۇلتان. قازاقپارات - پرەزيدەنتكە بيىلعى ءبىرىنشى توقسان ناتيجەلەرى تۋرالى بايانداعان قارجىلىق مونيتورينگ اگەنتتىگىنىڭ ءتوراعاسى جانات ەليمانوۆ ەلدەن زاڭسىز شىعارىلعان 28 ميلليون ا ق ش دوللارى بۇعاتتالعانىن ءمالىم ەتتى، دەپ حابارلايدى قازاقپارات اقورداعا سىلتەمە جاساپ.
None
None

پرەزيدەنتتىڭ تاپسىرماسى اياسىندا قارجىنى قازاقستاننان تىس جەرلەرگە زاڭسىز جىلىستاتۋعا قارسى جۇمىستار وندىرىستە. اگەنتتىك ءتوراعاسىنىڭ ايتۋىنشا، 7 قىلمىستىق ءىس تەرگەلىپ جاتىر. مەملەكەت باسشىسى اگەنتتىكتىڭ قىلمىستىق جولمەن الىنعان كىرىستەردى زاڭداستىرۋعا جانە كولەڭكەلى ەكونوميكانىڭ دەڭگەيىن تومەندەتۋگە قارسى ءىس- قيمىل جونىندەگى جۇمىستارىنىڭ ماڭىزدى ەكەنىن ەرەكشە اتاپ ءوتىپ، جانات ەليمانوۆقا بيزنەسكە قاتىستى جۇرگىزىلىپ جاتقان بارلىق قىلمىستىق ءىستى تەرگەپ- تەكسەرۋ كەزىندە زاڭدىلىقتىڭ مۇلتىكسىز ساقتالۋىن قامتاماسىز ەتۋدى تاپسىردى.

پرەزيدەنتتىڭ پىكىرىنشە، قۇقىق قورعاۋ جانە باقىلاۋشى ورگاندار كاسىپكەرلەردىڭ وتىنىشتەرىنە جەدەل نازار اۋدارۋعا جانە ولاردىڭ قۇقىعىن شەكتەمەۋگە ءتيىس. بۇعان دەيىن مەملەكەت باسشىسى قارجىلىق مونيتورينگ اگەنتتىگىنىڭ ءتوراعاسىن قابىلداعانى تۋرالى جازىلعان.

سوڭعى جاڭالىقتار