قازاقتەلەكومنىڭ 28 پايىز اكسياسى مەملەكەتكە قايتارىلادى

نۇر- سۇلتان. قازاقپارات - قازاقستان ۇكىمەتى «قازاقتەلەكوم» اكسيونەرلىك قوعامىنىڭ كەيبىر ماسەلەلەرى تۋرالى قاۋلى قابىلدادى، دەپ حابارلايدى قازاقپارات primeminister.kz سايتىنا سىلتەمە جاساپ.

قاۋلىعى سايكەس، «قازاقتەلەكوم» اكتسيالارىنىڭ 28,8 پايىزى مەملەكەتتىك مەنشىككە قايتارىلادى.

«سىيعا تارتۋ شارتى بويىنشا «قازاقتەلەكوم» اكسيونەرلىك قوعامىنىڭ جارعىلىق كاپيتالىنىڭ %24,95 ىن قۇرايتىن 2671481 جاي اكتسياسىن رەسپۋبليكالىق مەنشىككە بەرۋ تۋرالى Skyline Investment Company S. A. جەكە كومپانياسىنىڭ ۇسىنىسى قابىلدانسىن»، — دەلىنگەن قاۋلى ماتىنىندە.

سونداي- اق «Alatau Capital Investment» جشس سىيعا تارتۋ شارتى بويىنشا قوعامنىڭ جارعىلىق كاپيتالىنىڭ %3,85 ىن قۇرايتىن قوعامنىڭ 413412 جاي اكسياسىن رەسپۋبليكالىق مەنشىككە بەرەدى.