الداعى تاۋلىكتە كۇن 28 گرادۋسقا دەيىن جىلىنىپ، سەگىز وڭىردە وزەن سۋى كوتەرىلەدى
ال سولتۇستىگىندە كۇندىز اۋا تەمپەراتۋراسى پليۋس 18°س- قا، وڭتۇستىك وڭىرلەردە 28 گرادۋسقا كوتەرىلەدى، دەپ حابارلايدى قازاقپارات.
2-8-ساۋىرىندەگى اپتالىق سينوپتيكالىق اۋا رايى بولجامىنا سايكەس، باتىستان شىعىسقا قاراي كەزەكتى اتلانتيكالىق تسيكلون ىعىسا باستايدى. ول نەگىزىنەن جاڭبىر تۇرىندە جاۋىن- شاشىننىڭ تۇسۋىنە جانە الدىمەن باتىس پەن سولتۇستىكتە، كەزەڭنىڭ ورتاسىنان ق ر قالعان اۋماعىندا جەلدىڭ كۇشەيۋىنە سەبەپشى بولادى.
قازگيدرومەت مالىمەتىنە قاراعاندا، سيكلوننىڭ ارتىنان باتىس انتيسيكلونى اۋىسادى. ول وزىمەن بىرگە قىسقا مەرزىمگە اۋا تەمپەراتۋراسىنىڭ تومەندەۋىنە الىپ كەلەدى.
وسىعان بايلانىستى قازاقستاننىڭ جازىق اۋماقتارىندا، اتاپ ايتقاندا قاراعاندى، اقمولا، سولتۇستىك قازاقستان، قوستاناي، اقتوبە، باتىس قازاقستان، پاۆلودار وبلىستارى، شىعىس قازاقستان وبلىسىنىڭ وڭتۇستىگى مەن وڭتۇستىك- باتىس بولىگىندە قاردىڭ قارقىندى ەرۋى، جانە وزەندەردەگى سۋ دەڭگەيىنىڭ كوتەرىلۋى كۇتىلەدى.
