قازگيدرومەت 28 - ساۋىرگە ارنالعان اۋا رايى بولجامىن جاريالادى

انتيسيكلون اسەرىنەن قازاقستاننىڭ وڭتۇستىگىندە، وڭتۇستىك- شىعىسىندا جانە شىعىسىندا جاۋىن- شاشىن جاۋمايدى، كۇن اشىق بولادى. ال قازاقستاننىڭ قالعان اۋماعىندا اۋا رايىن وڭتۇستىك سيكلونى جانە ونىمەن بايلانىستى اتموسفەرالىق فرونتتار انىقتايدى. سالدارىنان كەي جەرلەردە جاڭبىر جاۋىپ، نايزاعاي وينايدى. ەلىمىزدىڭ كەي جەرلەرىندە جەل كۇشەيىپ، وڭتۇستىك- باتىستا جانە سولتۇستىك- باتىستا تۇمان تۇسەدى.

سولتۇستىك قازاقستان وبلىسىندا جەل ەكپىنى 23-28 م/س دەيىن كۇشەيەدى. كەي جەرلەردە داۋىل تۇرادى.

پاۆلودار وبلىسىندا جەل جىلدامدىعى تۇندە كەي جەرلەردە، كۇندىز باسىم بولىگىندە 15-20 م/س جەتەدى.

قوستاناي وبلىسىندا كەي جەرلەردە تۇمان تۇسەدى، جەل قارقىنى - 15-20 م/س. اقمولا، تۇندە جامبىل، كۇندىز قىزىلوردا، قاراعاندى، شىعىس قازاقستان وبلىستارىنىڭ كەي جەرلەرىندە 15-20 م/س جىلدامدىقپەن كۇشتى جەل سوعادى.

اقتوبە، ماڭعىستاۋ وبلىستارىندا تۇندە جانە تاڭەرتەڭ كەي جەرلەردە تۇمان تۇسەدى. الماتى وبلىسىندا جالاڭاشكول اۋدانىندا جەل ەكپىنى -15-20 م/س.