قازاقپارات كۇنتىزبەسى: 28- شىلدە
اتاۋلى كۇندەر
دۇنيەجۇزىلىك گەپاتيتكە قارسى كۇرەس كۇنى
2008-جىلى حالىقارالىق گەپاتيتپەن كۇرەس اليانسىنىڭ باستاماسىمەن ەنگىزىلدى. 2011-جىلى دۇنيەجۇزىلىك دەنساۋلىق ساقتاۋ ۇيىمى بۇل داتانى ءوزىنىڭ كۇنتىزبەسىنە ەنگىزدى، وسىلايشا دۇنيەجۇزىلىك گەپاتيتكە قارسى كۇنى رەسمي مارتەبە الىپ، جىل سايىن 28- شىلدەدە اتاپ وتىلەتىن بولدى.
ەستە قالار وقيعالار
1969 -جىلى جامبىل وبلىسىندا جاڭاتاس قالاسىنىڭ ىرگەتاسى قالاندى. جاڭاتاس - جامبىل وبلىسى سارىسۋ اۋدانىنىڭ ورتالىعى. قالا تاريحى فوسفوريت ءوندىرىسىنىڭ جاندانۋىمەن تىكەلەي بايلانىستى.
1992 -جىلى بريۋسسەلدە قازاقستان رەسپۋبليكاسى مەن ەۋروپالىق كوميسسيا اراسىندا ديپلوماتيالىق قارىم-قاتىناس ورناتۋ تۋرالى نوتا الماسۋ ءراسىمى ءوتتى.
1995 -جىلى قازاقستان رەسپۋبليكاسىنىڭ پرەزيدەنتى 1995 -جىلدىڭ 30- تامىزىندا رەسپۋبليكالىق رەفەرەندۋم وتكىزۋ تۋرالى قاۋلى شىعاردى. كەيىننەن وسى رەفەرەندۋم بويىنشا قازاقستان رەسپۋبليكاسىنىڭ جاڭا كونستيتۋتسياسىنىڭ جوباسى قابىلداندى.
2003 -جىلى ق ر ۇلتتىق بانكى نومينالى 10000 تەڭگەلىك بانكنوتتى اينالىمعا ەنگىزدى.
2007 -جىلى قازاقستان رەسپۋبليكاسى پرەزيدەنتى نۇرسۇلتان نازاربايەۆ ءبىلىم سالاسىندا قوعامدىق قاتىناستاردى رەتتەۋگە، وسى سالاداعى مەملەكەتتىك ساياساتتىڭ قاعيداتتارىن انىقتاۋعا جانە قازاقستان رەسپۋبليكاسى ازاماتتارى، سونداي-اق ەلىمىزدە تۇرعىلىقتى تۇراتىن شەتەل ازاماتتارى جانە ازاماتتىعى جوق ادامداردىڭ ءبىلىم الۋعا كونستيتۋتسيالىق قۇقىعىن قامتاماسىز ەتۋگە باعىتتالعان «ءبىلىم تۋرالى» زاڭعا قول قويدى.
2012 -جىلى قازاقستانننىڭ ۆەلوشاباندوزى الەكساندر ۆينوكۋروۆ 30-جازعى وليمپيادا ويىندارىنىڭ العاشقى جارىس كۇنىندە تاس جولدا توپتىق جارىستا مارە سىزىعىن ءبىرىنشى بولىپ كەسىپ ءوتىپ، قازاقستان قورجىنىنا العاشقى التىن مەدال سالدى.
2012 -جىلى وڭتۇستىك كورەيا ەسۋ قالاسىندا EXPO-2012 حالىقارالىق مامانداندىرىلعان كورمەدە قازاقستاننىڭ ۇلتتىق كۇنىنىڭ سالتاناتتى اشىلۋ ءراسىمى ءوتتى.
2012 -جىلى اقمولا وبلىسىنىڭ ساندىقتاۋ اۋدانىنداعى ارحەولوگيالىق جۇمىستار كەزىندە قولا، ەرتە تەمىر جانە ورتا عاسىر ءداۋىرى كەزەڭدەرىنىڭ بۇعان دەيىن بەلگىسىز بولعان 80 ەسكەرتكىشى تابىلدى.
2016 -جىلى ىستانبۇلدا ق ر ينۆەستيتسيا جانە دامۋ مينيسترلىگىنىڭ «Kaznex Invest» ەكسپورت جانە ينۆەستيتسيا جونىندەگى ۇلتتىق اگەنتتىك» ا ق- نىڭ وكىلدىگى اشىلدى. اتالمىش قۇرىلىمنىڭ تۇركيا مەملەكەتىندەگى ارنايى وكىلى رەتىندە نۇريددين امانقۇل تاعايىندالدى.
2016 -جىلى وسكەمەندە اۆتوزاۋىت الاڭىندا العاشقى KIA Soul EV ەلەكتروموبيلىن قۇراستىردى. ونىڭ ماكسيمالدى جىلدامدىعى ساعاتىنا 145 شاقىرىم تولىق زاريادتالعان كولىك باتارەياسى 14 تەن 18 ساعاتقا دەيىن جەتەدى. 100 شاقىرىمعا ەلەكتروموبيلدى قۋاتتاۋ قۇنى 170 تەڭگەنى قۇرايدى.
2017 -جىلى وڭتۇستىك قازاقستان وبلىسى سوزاق اۋدانىندا XII عاسىرعا تيەسىلى ەكى ءمۇسىن تابىلدى. اۋدان تۇرعىندارى ەجەلگى ەسكەرتكىشتەردى قاراتاۋ جوتاسىندا ارپا وزەنىنىڭ جاعالاۋىنان تاپقان. مۇسىندە ەر ادام مەن ايەل بەينەلەنگەن.
2017 -جىلى الماتىدا 1964-جىلدان 1975-جىلعا دەيىن ساۋد ارابياسىندا بيلىك ەتكەن كورول فەيسالدىڭ التىن قارۋى قويىلعان كورمە اشىلدى. كورمەدە ەرەكشە، سيرەك، تاريحي مۇراعاتتىق قۇجاتتار، قۇران، جەكە زاتتارى، ءال-فەيسالعا ءارتۇرلى مەملەكەتتەردىڭ باسشىلارى سىيعا تارتقان مەدالدەر، وردەندەر مەن توسبەلگىلەر، سۋرەتتەرى جانە ت. ب. قويىلدى.
اسىرەسە التىنمەن جانە كۇمىسپەن قاقتالعان سالتاناتتى قارۋ تۇرلەرى كوزدىڭ جاۋىن الادى.
2018 -جىلى استانادا العاش رەت گرەپپلينگتەن الەم كۋبوگى ءوتتى. قازاقستان رەسپۋبليكاسى - ءدال وسىنداي فورماتتا جارىس وتكىزگەن الەمدەگى ءبىرىنشى مەملەكەت.
گرەپپلينگ - دزيۋدو، سامبو، دجيۋ-دجيتسۋ، ەركىن كۇرەس، گرەك-ريم جانە ت. ب. سىندى كۇرەس تۇرلەرىن بىرىكتىرەتىن سپورتتىق جەكپە-جەكتىڭ ءتۇرى.
