قازاقستانداعى 28 -قاراشا كۇنگى اۋا رايى بولجامى

نۇر-سۇلتان. قازاقپارات - قازاقستان وڭىرلەرىندە اۋا رايىنا بايلانىستى وزگەرىستەر كۇتىلمەيدى. ەلىمىزدىڭ باسىم بولىگى انتيسيكلون جوتاسىنىڭ ىقپالىندا بولعاندىقتان، كۇن رايى كوبىنەسە جاۋىن- شاشىنسىز بولادى.

رەسپۋبليكانىڭ تەك سولتۇستىك، شىعىس جانە باتىس اۋماقتارىندا اتموسفەرالىق فرونتالدى بولىكتەردىڭ وتۋىمەن قۇبىلمالى اۋا رايى ساقتالادى، كەي جەرلەردە ازداعان قار جاۋادى. باتىستا - جەل كۇشەيەدى. جەكەلەگەن اۋماقتاردا تۇمان بولجانادى، دەپ حابارلايدى قازاقپارات.

«قازگيدرومەت» ر م ك مالىمەتىنە سايكەس، مانعىستاۋ وبلىسىنىڭ كەي جەرلەرىندە 15-20 م/س جەل سوعادى، ەكپىنى 23 م/س كۇشەيەدى.

اتىراۋ وبلىسىنىڭ كەي جەرلەرىندە تۇمان بولادى، جەل 15-20 م/س ارتادى.

اقمولا، جامبىل، قىزىلوردا، باتىس قازاقستان، اقتوبە، قوستاناي، سولتۇستىك قازاقستان، پاۆلودار، قاراعاندى، شىعىس قازاقستان، تۇندە الماتى، تۇركىستان وبلىستارىنىڭ كەي جەرلەرىندە تۇمان كۇتىلەدى.