قازاقستان جەرىنە 28 -اقپاندا عارىشكەرلەرى بار «سويۋز» كاپسۋلاسى قونادى
جارتى جىلعا جۋىق ۋاقىتقا سوزىلعان عارىشتىق ۆاحتادان كەيىن م ك س-53/54 ەكسپەديتسياسىنىڭ مۇشەلەرى - رەسەيلىك عارىشكەر الەكساندر ميسۋركين، امەريكالىق استروناۆتار دجوزەف اكابا مەن مارك ۆاندە حاي جەرگە ورالادى.
روسكوسموستىڭ باسپا ءسوز قىزمەتىنىڭ مالىمەتىنشە، اپپارات 28 -اقپان كۇنى جەرگىلىكتى ۋاقىت بويىنشا تاڭەرتەڭگى 8.31-دە جەزقازعان قالاسىنىڭ ماڭىنا، دالالى جەرگە قوناتىن بولادى.
جەرگە ءتۇسۋشى اپپاراتتىڭ قونۋى مەن كوسموناۆتاردى ەۆاكۋاتسيالاۋ ءساتىن online.roscosmos.ru سايتىنان نەمەسە روسكوسموستىڭ ۆكونتاكتە الەۋمەتتىك جەلىسىندەگى رەسمي پاراقشاسىنان تىكەلەي كورۋگە بولادى.
