قازاقستاننىڭ ە ا ە و ەلدەرىمەن تاۋار اينالىمى 28 پايىزعا ءوستى

استانا. قازاقپارات - الدىن الا مالىمەتتەر بويىنشا، قازاقستاننىڭ ەۋرازيالىق ەكونوميكالىق وداق (ە ا ەو ) ەلدەرىمەن ءوزارا ساۋدا كولەمى 2017-جىلدىڭ قاڭتار-قاراشاسىندا قارجى ەكۆيۆالەنتىمەن العاندا 15 599,2 ميلليون دوللاردى قۇرادى.

بۇل 2016-جىلعى سايكەس مەرزىمدەگى كورسەتكىشتەرمەن سالىستىرعاندا 28 پايىزعا كوپ، دەپ حابارلايدى «قازاقپارات» ح ا ا ق ر ۇلتتىق ەكونميكا مينيسترلىگىنىڭ ستاتيستيكا كوميتەتى.

اتالعان مەرزىمدە ەاەو ەلدەرىنىڭ ەكسپورتى قارجى ەۆيۆالەنتىمەن العاندا 4600,3 ميلليون دوللارعا، (بۇل الدىڭعى جىلدىڭ سايكەس مەرزىمىمەن سالىستىرعاندا %31,3  كوپ)، يمپورت 10998,9  ميلليون دوللارعا جەتتى (%26,7+).

بۇل رەتتە، قازاقستاننىڭ ەاەو ەلدەرىمەن سىرتقى ساۋدا اينالىمىنىڭ جالپى كولەمىنىڭ 92,3 پروتسەنتى رەسەيگە، 4,2 پروتسەنتى قىرعىزستانعا، 3,5 پروتسەنتى بەلارۋس ەلىنە تيەسىلى ەكەنىن ايتا كەتۋ كەرەك.