الماتى ماڭىندا اپاتقا ۇشىراعان ان-28 ۇشاعىندا كىمدەردىڭ بولعانى انىقتالدى
2017 -جىلدىڭ 3 -قازانىندا 19 ساعات 15 مينۋتتا الماتى وبلىسى ىلە اۋدانىنىڭ مەجدۋرەچينسك اۋىلى ماڭىندا سانيتارلىق اۆياتسيا رەيسىن ورىنداعان ان-28 ۇشاعى قۇلاپ، ورتەنگەن.
باستاپقى مالىمەت بويىنشا، بورتتا بولعان 5 ادام قازا تاپقان.
ەكيپاج مۇشەلەرى - اۋە كەمەسىنىڭ كاپيتانى قىرعىزستان ازاماتى - گ. ن. سوي، ەكىنشى ۇشقىش قازاقستان ازاماتى ە. كۋتافين بولعان.
سونىمەن قاتار، بورتتا 2 مەديتسينا قىزمەتكەرى بولعانى انىقتالدى. بارلىعى بورتتا 5 ادام بولعان. ولاردىڭ بارلىعى كوز جۇمدى.
«ان-28» پولشادا 1990 -جىلى جاسالعان. تىركەۋ ءنومىرى UP - A2807، ۇشۋ سالماعى 5 690 كەلى.
قازىر توتەنشە جاعداي بولعان جەردىڭ كوورديناتاسى انىقتالدى. ق ر ي د م كولىكتەگى تەكسەرۋ دەپارتامەنتىنىڭ قىزمەتكەرلەرى 1 ساعات كولەمىندە وقيعا ورنىنا شىقتى.
وقيعا ورنىندا الماتى وبلىسىنىڭ ءورت ءسوندىرۋ قىزمەتىنىڭ 12 مامانى مەن 3 ارنايى تەحنيكاسى ءورتتى سوندىرۋدە.
ەسكە سالا كەتسەك، الماتى- شىمكەنت باعىتىندا سانيتارلىق رەيسكە اتتانعان Eastwing اۋە كومپانياسىنىڭ ان-28 ۇشاعى بۇگىن الماتىدان 28 شاقىرىم جەردە لوكاتوردان جوعالىپ كەتكەن.
