تۋىستارى 28 جىل بويى سوقىر دەپ كەلگەن ايەل تۋرالى شىندىقتى بىلگەندە ەسەڭگىرەپ قالدى
كارمەن تانىستارىمەن امانداسىپ، قال سۇراسۋدان شارشاعانى سونشالىق ءوزىن سوقىر دەپ ەلدى الداۋعا دەيىن بارعان. 57 جاستاعى ايەلدىڭ كوزى جاقسى كورگەن. كارمەننىڭ جاعدايىنا قاتىستى جاقىندارىنىڭ كۇماندارى بولسا دا، بۇل جاڭالىق ولاردى ەسەڭگىرەتىپ جىبەردى. «اكتريسانىڭ» كۇيەۋى كارمەننىڭ ەشكىمنىڭ كومەگىنسىز جاساعان ماكياجى كەرەمەت شىعاتىنىنا تاڭعالاتىنىن ايتادى. كەيدە ايەلىنىڭ كوز قيىعىمەن تەلەديدار كورىپ وتىرعانىن بايقايتىن. الايدا كارمەن ونى مويىنداماعان. «مەن تانىستاردى كورگەندە توقتاپ، ولارمەن امانداسىپ، اڭگىمەلەسۋدەن شارشادىم. مەن ەشقاشان كوپشىل ادام بولعان ەمەسپىن. سوقىر سەكىلدى كەيىپ تانىتۋ ارقىلى كوپتەگەن الەۋمەتتىك مىندەتتەردەن قۇتىلدىم» دەيدى كارمەن. كارمەننىڭ ەڭ جاقىن دەگەن ادامدارىنىڭ وزىنە وتىرىگى تۋرالى ايتپاعان سەبەبىن سوت الدىندا جاۋاپ بەرۋدەن قورىققانىمەن تۇسىندىرگەن. سەبەبى ول 30 جىلعا جۋىق زاعيپ جاندارعا بەرىلەتىن ارنايى قارجىلىق كومەك الىپ وتىرعان. بۇل اقپارات يسپانيادا تەز تارالىپ، حالىقتىڭ اشۋىن تۋدىردى. ولار مەملەكەتتىڭ تەكسەرمەستەن اقشانى وڭدى- سولدى تاراتىپ جاتقانىنا نارازىلىقتارىن ءبىلدىردى.
شولۋشى: سابينا رامازان
«قامشى» سىلتەيدى
