سوعىستان جەڭىلگەن جاپون سولداتى ەلىنە بارۋعا ۇيالىپ 28 جىل بويى ارالدا ءومىر سۇرگەن - فوتو
جاپوندىق سولدات سەيتي ەكوي جاپون اسكەرىنىڭ قىزمەتىنە ەكىنشى دۇنيەجۇزىلىك سوعىس كەزىندە شاقىرىلعان. 1943-جىلى ول گاۋم ارالىنا جىبەرىلەدى.
1944-جىلى ارالدى امەريكا اسكەرلەرى جاۋلاپ الادى، سول سەبەپتى سەيتي دجۋنگليدە ءوزىنىڭ توعىز مايدانداسىمەن بىرگە تىعىلىپ جاتۋعا ءماجبۇر بولعان.
ولاردىڭ جەتەۋى ارالدان ەكى جىلدان كەيىن كەتەدى، سەيتيدى قوسقاندا، قالعان ۇشەۋى ارالدىڭ ءتۇرلى تارابىندا ءومىر سۇرەدى. بىرنەشە جىلدان كەيىن ونىڭ مايدانداستارى قازا تاۋىپ، ارالدا جاپادان جالعىز كۇن كەشكەن.
سولدات 28 جىل ىشىندە ءوزى قولمەن قازعان جەراستى ۇڭگىرىندە تىعىلىپ جاتادى. ول تىشقاندار مەن ءوزى ۇستاي العان جاندىكتەردى قورەك ەتىپ، كيىمدى وسىمدىك ساباقتارىنان جاساپ كيگەن.
1972-جىلدىڭ 24- قاڭتارىندا ونى بالىقشىلار تاۋىپ الادى. سولداتتىڭ جابايى ءتۇرىن كورىپ قىلمىسكەر ەكەن دەپ، بيلىككە وتكىزىپ بەرگەن. سەيتي ۇيىنە كەلگەن كەزدە، جاپونياعا تىرىدەي ورالۋ سولدات ءۇشىن ناعىز ماسقارا ەكەنىن ايتتى.
ءبىراق ول الەمگە تانىمال بولىپ، باسپا ءسوز بەتتەرىنەن تۇسپەگەن. ءتىپتى ونىڭ ءومىرىنىڭ جەلىسى بويىنشا «ەكوي جانە ونىڭ گۋاماداعى جيىرما سەگىز جىل قۇپيا ءومىرى» دەگەن كينو ءتۇسىرىلدى.
1991-جىلى سەيتي جاپوندىق يمپەراتور اكيحيتونىڭ قابىلداۋىندا بولعان.
ول ولەر الدىندا عانا گۋامادا قالۋىنىڭ شىنايى سەبەبىن ايتتى. «مەنىڭ بالالىق شاعىم اۋىر بولدى، ال مەنىڭ كوپتەگەن تۋىستارىم ماعان وتە ناشار قارادى. مەن دجۋنگليدە ولارمەن ەسەپ ايىرىسۋ ءۇشىن قالدىم»، - دەيدى سەيتي.
سەيتي ەكوي 1997-جىلى قىركۇيەكتىڭ 22 ءسى كۇنى 82 جاسىندا جۇرەك تالماسىنان كوز جۇمدى. ونى اناسى ولدىگە ساناپ جاساتقان ءمارمار تابىتپەن جەرلەدى.
