13:21, 10 - ءساۋىر 2017 | GMT +5
جۇمىستى 28 ساعات ىستەگەن قىتايلىق حيرۋرگ اۋرۋحانا دالىزىنە ۇيىقتاي كەتتى
استانا. قازاقپارات - بۇل سۋرەت انحوي پروۆينسياسىنداعى، دينيۋان وكرۋگىنداعى اۋرۋحانادا 30 -ناۋرىز كۇنى تۇسىرىلگەن.
بۇل تۋرالى nz1.ru حابارلايدى.
سۋرەت الەۋمەتتىك جەلىگە جاريالانا سالىسىمەن، دەرەۋ تانىمالدىلىق جينادى. سۋرەتتەگى حيرۋرگتىڭ اتى-ءجونى - لو حىڭ. ول 5 وپەراتسيا قاتار جاساعاننان كەيىن، ۇيىنە جەتۋگە ءال-دارمەنى جەتپەگەن.
28 ساعاتقا سوزىلعان اۋىر جۇمىستان سوڭ لو حىڭ، اقىرى دالىزگە ماتراس توسەپ جاتا كەتىپتى. جەلى قولدانۋشىلارى حيرۋرگتىڭ ەڭبەكسۇيگىشتىگىن جوعارى باعالاپ، العىس بىلدىرگەن.
