استانادا وتەتىن بايقاۋعا الەمنىڭ 28 ەلىنەن جاس پيانيستتەر قاتىسادى
قازىلار القاسى ەكى اپتا ىشىندە 2017-جىلدىڭ ۇزدىك 30 ورىنداۋشىسىن تاڭداپ الادى، دەپ حابارلايدى قالا اكىمدىگىنىڭ باسپا ءسوز قىزمەتى. 30 فينالعا ءوتۋشى ونەرپازدىڭ اتى 20 ناۋرىزعا دەيىن جاريالانىپ، ولار 2017-جىلدىڭ ءساۋىر ايىندا استانا قالاسىنا كەلىپ، ءوز شەبەرلىكتەرىن كورسەتەدى جانە بايقاۋ ۇيىمداستىرۋشىلارىنىڭ اقشالاي نەمەسە ارنايى سىيلىقتارىن ۇتىپ الۋعا كۇش سىناسادى.
الەمنىڭ تۇكپىر-تۇكپىرىندەگى مۋزىكانتتار «Astana Piano Passion» بايقاۋىنىڭ ءادىل تورەلىگىنە سەنىپ، قازاقستانعا ءوز شاكىرتتەرىن جىبەرۋدە. ايتا كەتەرلىگى، «Astana Piano Passion» ءتورتىنشى حالىقارالىق كلاسسيكالىق مۋزىكا جانە جاس پيانيستەر بايقاۋى استانادا 22- جانە 28- ءساۋىر ارالىعىندا وتەدى.
فەستيۆال اياسىندا قازاقستاننىڭ تۇكپىر-تۇكپىرىنەن كەلگەن بالالار، الەمگە تانىمال پيانيستەر مەن ا ق ش، ۇلى بريتانيا، پولشا مەن رەسەيدىڭ ەڭ ۇزدىك ج و و ۇستازدارىنان تەگىن شەبەرلىك ساباعىن الادى.
سونىمەن قاتار، استانا قالاسىنىڭ تۇرعىندارى مەن قوناقتارى الدىڭعى بايقاۋ لاۋرەاتتارىنىڭ ونەرىن تاماشالايدى. ءداستۇر بويىنشا، فەستيۆالدىڭ سالتاناتى اشىلۋى مەن گالا كونسەرتىندە ماەسترو دەنيس ماتسۋيەۆ قاتىسادى. بالالاردىڭ ونەر كورسەتۋىنە استانا وپەرا، استانا بالەت جانە قاز ۇ و ۋ (شابىت) زالدارى بەرىلەدى.
فەستيۆالدىڭ ناقتى باعدارلاماسى جاقىن ارادا بايقاۋدىڭ رەسمي سايتىندا جانە بايقاۋدىڭ الەۋمەتتىك جەلىلەردەگى رەسمي پاراقشاسىندا جاريالانادى. بايقاۋدىڭ جۇلدە قورى 60000 دوللار. بايقاۋ لاۋرەاتتارى اتانعان جاس ونەرپازداردىڭ ۇستازدارى 1000 ا ق ش دوللارى كولەمىندە سىياقى بەرىلەدى.
