قىتايدا كەيۋانا ۇرلانعان قىزدارىمەن 28 جىلدان سوڭ كەزدەستى - فوتو

قىزداردىڭ ءبىرى 18, ەكىنشىسى 13 جاستا بولعان كەزدە ولاردى تۋىسقاندارى ۇرلاپ اكەتكەن. ارتىنشا بەيتانىس وتباسىعا ساتقان.
بۇل تۋرالى The Daily Mail باسىلىمى حابارلايدى.
«مەن ەشۋاقىتتا سەندەردى ەندى قايتىپ كورەمىن» دەپ ويلاعان ەمەسپىن دەيدى چەن تسزياسيان. بۇگىندە 47 جاسقا تولعان حۋان جۋيسيۋ وزدەرىن 1988 -جىلى نەمەرە اعالارىنىڭ ۇرلاپ كەتكەنىن ايتتى. اناسى قىزدارىمەن شانشي ايماعىنىڭ انكانا قالاسىندا كەزدەستى. ولاردىڭ كەزدەسۋىن قوعامدىق قۇقىق قورعاۋ بيۋروسى مەن "Sanqin, ۇيگە كەلەدى» اتتى ادام ساۋداسىنا قارسى ۇيىم ۇيىمداستىردى.
ۇرلانعانعا دەيىن ەكى بويجەتكەن 5 جىل حۋبەي ايماعىندا تۇرعان. 1983 -جىلى حۋان جۋيسيۋ حۋبيدە تۇراتىن ازاماتقا تۇرمىسقا شىعادى. وزىمەن بىرگە ءسىڭلىسىن دە الا كەتەدى. ارتىنشا انالارى دا وسى ايماققا كەلەدى. ارادا ەكى جىل وتكەن سوڭ ولار باسقا قالاعا كوشۋگە ءماجبۇر بولادى.
حۋان جۋيسيۋدىڭ ايتۋىنشا، ولاردى 1988 -جىلى ۇرلاعان. بەيتانىس ادامدار ولاردى سۋيجوۋدىڭ قولىنان العان. «ول ۋاقىتتا ءسىڭىلىم 14 جاسقا دا تولماعان بولاتىن. ادام ۇرلاۋشىلار ءبىزدى ءبىرىنشى كايفىنگە الىپ كەلدى. كەيىن ەكەۋىمىزدى ەكى بولەك وتباسىنا جىبەردى. بەيتانىس وتباسى ءسىڭىلىم ءۇشىن 3000 سوم تولەگەن ەكەن. وسىدان كەيىن ونى مۇلدەم كورمەدىم»، - دەيدى حۋان جۋيسيۋ.
وسى وقيعادان كەيىن حۋان جۋيسيۋدىڭ ەسىمى لي فەنگيۋ، ال حۋان جۋيسياننىڭ ەسىمى حۋان شۋنسيان دەپ وزگەرتىلدى. ەرىكتىلەردىڭ ارقاسىندا حۋان جۋيسيۋ 2015 -جىلدىڭ جاز ايىندا ءوزىنىڭ اناسىن ىزدەپ تابادى. كەيىن اناسىنان اكەسىنىڭ قايتىس بولعانىن ەستىپ، ءوزىنىڭ جاسى كىشى ءسىڭلىسىن ىزدەۋگە كىرىسەدى.
پوليتسيا قىزمەتكەرلەرى 1980 -جىلدارداعى وبلىستىق ارحيۆتەردى قارايدى. مۇنىمەن قاتار، ولار 60 قا جۋىق اۋىل تۇرعىنىنىڭ ۇيىنە بارادى. ناتيجەسىندە شەنەۋنىكتەر كايفىن ايماعىندا تۇراتىن حۋان شۋنسيان ەسىمدى ايەلدى تابادى. بالكىم وسى ايەل حۋان جۋيسيان بولار دەگەن ويمەن د ن ق تەستىن جۇرگىزەدى. وسىلايشا ولاردى اپكەلى- ءسىڭلى ەكەنى راستالادى. 42 جاستاعى حۋان جۋيسيان بۇگىندە ەكى بالانىڭ اناسى. جۋىردا اجە بولۋعا دايىندالىپ ءجۇر ەكەن.