قىتايلىق 28 جاستاعى ايەل بوسانعاننان كەيىن قارتايىپ كەتكەن - فوتو

استانا. قازاقپارات - قىتايداعى حىنان قالاسىنىڭ تۇرعىنى حۋ دجۋاننىڭ جاسى نەبارى 28 دە، الايدا ول قازىر 70 جاستاعى كەمپىر تارىزدەس.

جاس ايەلدىڭ ءومىرى بوسانعاننان كەيىن كۇرت وزگەرىسكە ۇشىرادى. حۋ جىل سايىن ەمەس، ساعات سايىن قارتايا باستادى. بىرنەشە ايدان كەيىن ول ادام تانىماستاي بولىپ وزگەرىپ كەتكەن.

انىقتاي كەلە، ول سيرەك كەزدەسەتىن دەرماتوليز دەگەن اۋرۋعا شالدىققانى بەلگىلى بولدى.

بۇل جاعدايدا ادام تەرىسىنىڭ دانەكەرلەگىش تىندەرى بۇزىلادى.

سوندىقتان دا تەرى سولىپ، قارتايۋ پروتسەسى جۇرەدى.

حۋ بالاسىن 2003 - جىلى دۇنيەگە اكەلگەن، ەندى سودان بەرى ايەل سىرتقا شىعۋدان قالدى. ول ەكىنشى بالانى دۇنيەگە اكەلسە، تەرى قالپىنا كەلەر دەپ ويلاعان. الايدا قارتايۋ پروتسەسى توقتار ەمەس. ەندى حۋ كۇيەۋىنىڭ كەڭەسىمەن بەتىنە پلاستيكالىق وپەراتسيا جاساتۋعا بەل بۋدى، دەپ جازادى شەتەلدىك ب ا ق.