شياڭگاڭداعى تارتىپسىزدىك كەزىندە 28 بەلسەندى ۇستالدى
تارتىپسىزدىك كەزىندە 10 ادام جاراقات العان، ونىڭ سەگىزى پوليتسيا قىزمەتكەرلەرى.
ب ا ق تاراتىپ وتىرعان اقپاراتتارعا سۇيەنسەك، قارسىلىق بىلدىرۋشىلەر كوۋلۋن تۇبەگىندە ورنالاسقان مونگكوك اۋدانىندا قايتارا قارسىلىق شاراسىن وتكىزبەك بولعان.
ەسكە سالايىق، مونگكوك اۋدانى بىرنەشە كۇن بۇرىن ۇكىمەتكە قارسىلىق ءبىلدىرۋشى بارريكادا قۇرىپ جاتقان ەرەۋىلشىلدەردەن تازارتىلعان بولاتىن. تارتىپسىزدىكتى ۇيىمداستىرۋشىلاردى اۋداننان الاستاۋ ءۇشىن پوليتسيا قىزمەتكەرلەرىنە جۋان تاياق، شوقپار، كوزدەن جاس اعىزاتىن گازدار قولدانۋعا تۋرا كەلگەن.
قازىر اۋداندا رۇقسات ەتىلمەگەن جيىندار وتكىزىلمەۋى ءۇشىن پوليتسيا باقىلاۋى كۇشەيتىلگەن.
ال جالپى، تارتىپسىزدىك شاراسى كەزىندە 160 ادام ۇستالدى. ولاردىڭ اراسىندا تارتىپسىزدىك شاراسىن ۇيىمداستىرۋشىلاردىڭ بەلسەندىلەرى دجوشۋا ۆونگ جانە لەستەر شۋم بار. ولار قازىردە قارسىلىق الاڭىنا جولامايتىنىنا كەپىلدىك الىنىپ قاماۋدان بوساتىلدى.
ەسكە سالايىق، بەلسەندىلەردىڭ ايماق باسشىسىن سايلاۋدىڭ دەموكراتيالىق جولمەن ەركىن ءوتۋىن تالاپ ەتكەن نارازىلىق شەرۋى قىركۇيەكتىڭ سوڭىندا باستالىپ، ءبىر ايدان اسا ۋاقىتقا جالعاسقان ەدى. ولار ماۋسىم ايىندا ون كۇن بويى 800 ادام قاتىسقان ونلاين-رەفەرەندۋم دە وتكىزگەن بولاتىن.
