09:01, 06 - قازان 2014 | GMT +5
مەكسيكادا ءبىر جەرگە كومىلگەن 28 ادامنىڭ ءمايىتى تابىلدى
استانا. قازاقپارات - 28 ادامنىڭ ءمايىتى مەكسيكانىڭ يگۋالا قالاسىنىڭ ماڭىنداعى قۇپيا كومۋ جەرلەرىنەن تابىلدى. جاپپاي كومىلگەندەردى پوليسەيلەر جوعالعان ستۋدەنتتەردى ىزدەۋ شاراسى كەزىندە تاپتى.
ولتىرىلگەندەردىڭ كىم ەكەنىن انىقتاۋ ءۇشىن ايتارلىقتاي ۋاقىت - 15 كۇننەن ەكى ايعا دەيىنگى ۋاقىت كەرەك. كەيبىر مايىتتەر بولشەكتەنگەن، دەپ حابارلادى ر ي ا نوۆوستي.
مەكسيكا بيلىگى قازا بولعانداردىڭ اراسىندا يگۋالداعى ستۋدەنتتەردىڭ پوليسيامەن جانە بەلگىسىز قارۋلانعان ادامدارمەن قاقتىعىسىنان جوعالعاندار بولۋى مۇمكىندىگى جايلى ەش اقپارات بەرمەدى. سول كەزدە التى ادام قازا بولىپ، 25 ادام جاراقاتتانعان بولاتىن.
وسىنداي جاپپاي كومۋلەر مەكسيكادان ءجيى تابىلادى - كوبىنە- كوپ مايىتتەر ەسىرتكى ساۋدالاۋشىلار اراسىندا قاقتىعىستار بارىسىندا قازا بولعاندارعا تيەسىلى. اتالعان قۇپيا جەرلەۋ ورىندارىن قىلمىستىق توپتاردىڭ مۇشەلەرى جاساعان بولۋلارى كەرەك.
